| e-texts navigator |
| Wylie |
292a1 ཞིང་།། འབྲེལ་དང་མ་ཚང་མེད་པའི་ཕྱིར།། པདྨ་དབང་ཆེན་ཧེ་རུ་ཀའི།། རྒྱུད་ཆེན་བཤད་པའི་དུས་ལ་བབས།། ཨེ་མ་ཧོ།། དགོངས་དང་དགོངས་མིན་བདག་གབ་སྦས།། དེ་མིན་བཟུང་བར་བདེ་བ
292a2 ཡི།། ལུང་ཆེན་རྒྱ་མཚོ་ལྟ་བུ་ལས།། དུས་འདིར་ལུང་ཆེན་བཤད་དུ་གསོལ།། ཨེ་མ་ཧོ།། ཀུན་བཟང་ཐུགས་ཀྱི་དཀྱིལ་འཁོར་དུ།། ཟབ་མོར་གནས་པ་བརྡས་མཚོན་ནས།། བདག་གི་རྣ་བའི་དབང་པོར་བླུག། མི
292a3 བསླུའི་ངེས་དོན་མན་ངག་ཤོད།། ཨེ་མ་ཧོ།། རྒྱུད་དང་ལུང་དང་མན་ངག་གསུམ།། དམངས་དང་རྗེ་དང་རྒྱལ་པོའི་ཚུལ།། གཅིག་ལ་གཅིག་དགོས་རྒྱན་དུ་ཆེ།། རྒྱུད་ལུང་མན་ངག་བཤད་དུ་གསོལ།། ཞེས་ཞུས
292a4 སོ།། དེ་ནས་བཅོམ་ལྡན་འདས་དཔལ་པདྨ་ཧེ་རུ་ཀ་ཉིད། ཆོས་ཀྱི་དབྱིངས་ནམ་མཁའ་ལྟ་བུའི་ངང་ནས། ཉི་ཟླ་ལྟ་བུའི་སྐུ་བཞེངས་ནས།། དབུ་ལྔས་རྟ་གདངས་ཀྱིས་སྐད་ཕྱུང་ནས། ཕྱག་དྲུག་གི་འཇིགས་པའི་མཚོན
292a5 ཆ་སྣ་ཚོགས་པ་གསོར་ཞིང་། ཞབས་བརྒྱད་ཀྱིས་འཇིག་རྟེན་ལས་འདས་པའི་ཁྲོ་བོ་བརྒྱད་མནན་ནས། རྡོ་རྗེ་འདེགས་གཤོག་གིས་ལྟ་བའི་དགོངས་པ་འཕང་ས་བཅད། རིན་ཆེན་འཛུམ་གཤོག་གིས་སེམས་ཅན་ལ
292a6 སྦྱིན་པ་ཡིད་བཞིན་ནོར་བུ་རིན་པོ་ཆེ་ལྟར་ཆར་བཞིན་ཕབ་ནས། གསུང་དུ་མེད་པའི་བརྗོད་པ་འདི་མཛད་དོ།། ཨེ་མ་ཧོ།། ཐབས་ནི་འགག་པ་མེད་པའི་ཡེ་ཤེས་ཡིན།། སངས་རྒྱས་ཀུན་ལ་མཁྱེན་པའི་ཡེ་ཤེས
iiif viewer powered by OpenSeadragon
