| e-texts navigator |
| Wylie |
291b1 ཡང་མི་འགག། གཟིགས་ཐབས་བསམ་གྱི་མི་ཁྱབ། གཟིགས་བྱ་དང་གཟིགས་བྱེད་ལས་གྲོལ་ན་ཡང་། སྒྱུ་མའི་ཆོ་འཕྲུལ་ཆེན་པོས་ཁམས་གསུམ་གྱི་གདུལ་བྱ་དྲེགས་པ་ཅན་འདུལ་པར་གཟིགས་སོ།། དེ་ནས་ཡུམ
291b2 པདྨ་གཟི་ལྡན་པདྨ་ཅན་གྱིས་གླུ་འདིས་བསྐུལ་ལོ།། ཨེ་མ་ཧོ།། ཐབས་ནི་སྙིང་རྗེ་ཆེན་པོ་ཉིད།། ཤེས་རབ་སྟོང་པ་ཉིད་ཀྱི་ངང་།། སྟོང་ཉིད་སྙིང་རྗེ་ཆེན་པོ་ཅན།། ཐབས་དང་ཤེས་རབ་འགྲོ་དོན་མཛོད།། ཨེ་མ
291b3 ཧོ།། ཤེས་རབ་ཡུམ་གྱི་བྷ་ག་རུ།། ཐབས་མཆོག་ཡབ་ཀྱི་ལིངྒ་ཡིས།། བྷ་གར་ལིངྒ་མཉམ་བཞག་ནས།། སྤྲུལ་པའི་སྲས་ཀྱི་ཕྲིན་ལས་མཛོད།། ཨེ་མ་ཧོ།། སྣོད་ཀྱི་འཇིག་རྟེན་ཤེས་རབ་སྟེ།། མི་དམིགས་ཆོས
291b4 དབྱིངས་སྟོང་པའི་མཛོད།། བཅུད་ཀྱི་སེམས་ཅན་ཐབས་ཡིན་ཏེ།། མ་འགགས་སེམས་ཀྱི་ཆོ་འཕྲུལ་སྣང་།། སྣོད་བཅུད་གཉིས་མེད་འབྲེལ་བ་ཡི།། བློ་དང་གཉིས་པོ་རྣམ་པར་བསྲེས།། བློ་དངོས་བསྲེས་པའི་ལྟ།
291b5 དགོངས་ཀྱིས།། འཁོར་བ་མྱ་ངན་འདས་པར་སྤྱོད།། ཤེས་རབ་ཀུན་གཞིས་སྟོང་པ་ནས།། ཐབས་ཀྱི་སེམས་ཉིད་འགག་པ་མེད།། རྣམ་ཤེས་ཚོགས་བརྒྱད་ཀུན་ལྡན་པ།། ཚོགས་བརྒྱད་ཡེ་ཤེས་རྣམ་ལྔར་སྦྱོར།། ཨེ
291b6 མ་ཧོ།། མ་རིག་འཁོར་བའི་འགྲོ་དྲུག་རྣམས།། བདེ་ཆེན་ཡབ་ཀྱི་སྐུ་ལ་སྦྱོར།། ང་རྒྱལ་དྲེགས་པའི་ལྷ་སྲིན་རྣམས།། སངས་རྒྱས་བསྟན་པ་བསྲུང་བར་མཛོད།། ཨེ་མ་ཧོ།། དུས་འདིར་ཕུན་སུམ་ཚོགས་ལྡན
iiif viewer powered by OpenSeadragon
