| e-texts navigator |
| Wylie |
291a1 ཅན་རྣམས་ལ་གཟིགས་པ་ནི། གཏི་མུག་ལས་ཀླུའི་ངན་གཏད་གཏོང་བར་མཁྱེན་ཏོ།། ཞེ་སྡང་ལས་སྲོག་མཐུ་བྱུང་བར་གཟིགས་སོ།། ང་རྒྱལ་ལས་ཐོག་དང་སེར་བ་བྱུང་བར་མཁྱེན་ཏོ།། འདོད་ཆགས
291a2 ལས་དབང་སྡུད་པོར་བསྒྲུབ་བྱུང་བར་གཟིགས་སོ།། ཕྲག་དོག་ལས་སྔགས་པ་སྟོབས་འཇོམས་ས་ཕྱིར་བཟློག་བྱུང་བར་གཟིགས་ཤིང་མཁྱེན་ཏོ།། དེ་ནས་འགྲོ་བ་རིགས་དྲུག་གི་ལས་ལ་གཟིགས་པ་ནི། ཚད་མེད་པ
291a3 བཞིས་ཚངས་པ་ལ་སོགས་པའི་གཟུགས་ཁམས་ཀྱི་གནས་སུ་གཟིགས་སོ།། བལྟ་དགོངས་མ་རྟོགས་པའི་བསམ་གཏན་གྱིས་གཟུགས་མེད་མུ་བཞིར་གཟིགས་སོ།། དགེ་བ་བཅུས་འདོད་ཁམས་མཐོ་རིས་ཐོབ་པར
291a4 གཟིགས་སོ།། མི་དགེ་བ་བཅུས་འདོད་ཁམས་ངན་སོང་གནས་གསུམ་ཐོབ་པར་གཟིགས་སོ།། དེ་ལྟར་མ་འདྲེས་པར་མཁྱེན་པའི་ཡེ་ཤེས་འཁོར་འདས་ཀྱི་བྱེ་བྲག་བསམ་གྱིས་མི་ཁྱབ་པ་རྣམས་མཁྱེན་པ་ནི། དཔེར་ན
291a5 སྨན་པ་མཁས་པས་ལག་མཐིལ་དུ་སྐྱུ་རུ་ར་རློན་པ་བཞག་པ་བཞིན་དུ་གཟིགས་ཤིང་མཁྱེན་ཏོ།། ཤེས་བྱ་ཇི་ལྟ་བ་དང་ཇི་སྙེད་པ་དབྱེར་མེད་པར་མཁྱེན་པའི་ཡེ་ཤེས་ཀྱིས་ནི་འཁོར་བར་སྣང་བ་ཉིད་མྱ་ངན་ལས
291a6 འདས་པ་ཉིད་ལས་མ་གཡོས་ཤིང་། མྱ་ངན་ལས་འདས་པར་སྣང་བ་ཉིད་ལས་གཞན་མེད་དེ། དཔེར་ན་ཆབ་རོམ་དུ་སྣང་བའི་དུས་ཉིད་ན་ཆུར་གནས་པ་ཁོ་ནར་གཟིགས་སོ།། གཟིགས་སུ་ཡང་མེད། གཟིགས་པ
iiif viewer powered by OpenSeadragon
