| e-texts navigator |
| Wylie |
290a1 དང་། བདུད་རྩི་རྣམ་པ་ལྔ་དང་། ཤ་རྣམ་པ་ལྔས་མཆོད་ནས། ཐམས་ཅད་རྗེས་སུ་ཡི་རང་བར་གྱུར་ཏོ།། སྟོན་པ་སངས་རྒྱས་ཀུན་གྱི་ངོ་བོ་ཉིད་དེ་ནི་ཆོས་ཀྱི་སྐུ་དྲི་མ་མེད་པའི་ངང་དུ་བཞུགས
290a2 སོ།། འཁོར་རྣམས་ནི་སངས་རྒྱས་ཀྱི་བསྟན་པ་བསྲུང་བར་མཛད་དོ།། པདྨ་དབང་ཆེན་དྲེགས་པ་སྲུང་བཟློག་གི་རྒྱུད་ལས།། རྗེས་སུ་ཡི་རང་བའི་ལེའུ་སྟེ་དགུ་པའོ།། །། པདྨ་དབང་ཆེན་དྲེགས་པ་སྲུང་བཟློག
290a3 གི་རྒྱུད་རྫོགས་སོ།། རྒྱ་གར་གྱི་པཎྜི་པདྨ་སཔྟ་བ་དང་། བོད་ཀྱི་ལོ་ཙཱ་བ་ཁ་ཆེ་ཨཱ་ནན་ཏས་བསྐུར་བའོ།། ། @#།། རྒྱ་གར་སྐད་དུ། ཤྲཱི་པདྨ་མ་ཧཱ་བ་ཤ། པདྨ་ནརྀ་ཏེ་ཤྭ་ར་དུཥྚ་ཁཱ་ད་ནཉྫ་བེ་ཤ
290a4 ན་ཀརྨ་ཏནྟྲ་ནཱ་མ། བོད་སྐད་དུ། དཔལ་པདྨ་དབང་ཆེན་པདྨ་གར་གྱི་དབང་ཕྱུག་གིས་དྲེགས་པ་ཅན་གཟན་ལ་འབེབས་པའི་ཕྲིན་ལས་ཀྱི་རྒུད་ཅེས་བྱ་བ། དཔལ་རྡོ་རྗེ་དབང་ཆེན་པོ་ལྷུན་གྱིས་གྲུབ་པའི་སངས་རྒྱས
290a5 ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཁམས་གསུམ་གྱི་བདག་པོ་ཆེན་པོ་ནི། ཆོས་ཉིད་རྣམ་པར་དག་པའི་གཞལ་ཡས་ཁང་ན། འཁོར་དུས་གསུམ་གྱི་སངས་རྒྱས
290a6 རྣམས་དང་དབྱེ་བ་མེད་པར་བཞུགས་སོ།། དེའི་ཚེ་དེའི་དུས། ཐམས་ཅད་མཁྱེན་པའི་ཡེ་ཤེས་ཀྱི་སྣང་བས་གཟིགས་པ་ནི། ཤེས་བྱ་ཇི་ལྟ་བར་མཁྱེན་པའི་ཡེ་ཤེས་ཀྱིས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི
iiif viewer powered by OpenSeadragon
