| e-texts navigator |
| Wylie |
289b1 ལས།། རླུང་གི་རླུང་རྒྱུས་གཡེང་ཞིང་འཐོར།། ཨེ་ཡི་ཚོགས་ཀྱི་དཀྱིལ་འཁོར་དུ།། དགྲ་བགེགས་མ་ལུས་བསྒྲལ་བར་བྱ།། ཕྲིན་ལས་བཞི་ཡི་དུས་དག་ཏུ།། བདག་ཉིད་ཕྱག་རྒྱ་བཞི་ལྡན་བསྒོམ།། གཙོ་བོ་ཕྱག་རྒྱ་ཆེན
289b2 པོ་སྟེ།། ལྷུན་གྱིས་གྲུབ་པའི་དཀྱིལ་འཁོར་བསྒོམ།། ཡུལ་ན་དམ་ཚིག་ཕྱག་རྒྱ་སྟེ།། ཡབ་ནི་དོན་ལས་མི་འདའ་བསྒོམ། འཕྲོ་འདུ་ལས་ཀྱི་ཕྱག་རྒྱ་སྟེ།། མཆོད་འབུལ་སྒྲིབ་སྦྱང་དངོས་གྲུབ་བླང་།། དེ་དག་མ་ལུས་ཅིར
289b3 སྣང་ཡང་།། ཆོས་ཉིད་ངང་ལས་མ་གཡོས་ཀྱང་།། ཞི་བ་ཆོས་ཉིད་ཕྱག་རྒྱ་ཡིན།། འཁོར་དང་མྱ་ངན་འདས་པའི་ཆོས།། ཕྱག་རྒྱ་བཞི་ལ་འཕྲོས་ཤིང་འདུས།། ཨེ་ཝཾ་མ་ཡཱའི་ཡི་གེ་བཞིས།། གསང་སྔགས་རྒྱུད་རྣམས
289b4 སྤྲོས་ཤིང་རྒྱས།། བསྡུས་ནས་ཕྱག་རྒྱ་བཞི་རུ་གསལ།། ཨེ་ནི་དྲག་པོའི་ཚར་ཡང་གཅོད།། ཝཾ་ནི་མ་ལུས་དབང་དུ་སྡུད།། མ་ཡིས་རྗེས་བཟུང་རྒྱས་པར་མཛོད།། ཡཱ་ནི་ཐམས་ཅད་ཞི་བར་གནས།། ཆོས་རྣམས་སྐྱེ་བ
289b5 མེད་པ་ན།། ཕྲིན་ལས་རྣམ་བཞིའི་ཆོས་རྣམས་རྟོག། ཞེས་གསུངས་སོ།། པདྨ་དབང་ཆེན་དྲེགས་པ་བསྲུང་བཟློག་གི་རྒྱུད་ལས། ཕྲིན་ལས་ཀྱི་ལེའུ་སྟེ་བརྒྱད་པའོ།། །། དེ་ནས་འཁོར་རྣམས་དགྱེས་ནས། སྟོན
289b6 པས་སངས་རྒྱས་རྡོ་རྗེ་འཆང་ཆེན་པོ་ལྷུན་གྱིས་གྲུབ་པའི་དཀྱིལ་འཁོར་ལ། མེ་ཏོག་མནྡ་ར་བ་དང་མནྡ་རབ་ཆེན་པོ། ཀུ་མུ་དཱ་དང་། ནོར་བུ་རིན་པོ་ཆེ་མཐོན་ཀ་དང་མཐོན་ཀ་ཆེན་པོ་དང་། རིན་པོ་ཆེ་སྣ་ཚོགས་པ
iiif viewer powered by OpenSeadragon
