| e-texts navigator |
| Wylie |
286b1 ཉིད་ཀྱིས་ཐམས་ཅད་མཁྱེན།། སངས་རྒྱས་ཞིང་ནས་མི་ལྡོག་པས།། བར་མ་དོ་རུ་མངོན་འཚང་རྒྱ།། འོད་གསལ་བ་ནི་བསྒོམ་པར་བྱ།། ཟུང་འཇུག་སྐུ་ཡང་འབྱུང་བར་འགྱུར།། ཀུན་རྫོབ་དང་ནི་དོན་དམ་དག། སོ
286b2 སོའི་ཆ་ཡིས་ཕྱེ་གྱུར་ན།། ཡང་དག་ཉིད་དུ་འདྲེས་གྱུར་པས།། ཟུང་དུ་འཇུག་པར་དེ་བཤད་དོ།། ཟུང་དུ་འཇུག་པ་གཉིས་ཡོད་དེ།། སློབ་བཞིན་པ་དང་མི་སློབ་པ།། མི་སློབ་པ་རུ་གྱུར་ཙམ་ན།། བར་མ་དོ་རུ་མངོན
286b3 སངས་རྒྱས།། སྣང་བ་ཙམ་དང་གསལ་བ་ཙམ།། སྣང་ལ་རང་བཞིན་མེད་པ་གཉིས།། སངས་རྒྱས་ཞིང་ནས་མི་ལྡོག་པས།། བར་མ་དོ་རུ་མངོན་སངས་རྒྱ།། འབྲས་བུ་སྐུ་གསུམ་ཐོབ་འགྱུར་བ།། ཆོས་སྐུ་དྲི་མ་མེད་པ
286b4 དང་།། ལོངས་སྐུ་རྒྱལ་བ་རིགས་ལྔ་དང་།། སྦྲུལ་སྐུ་མཛད་པ་མཐར་ཕྱིན་སྐུས།། བདག་གཞན་མ་ལུས་བསྲུང་བ་དང་།། བགེགས་དང་བར་ཆད་བཟློག་པས་ན།། བདག་དོན་དྲེགས་པ་སྲུང་བཟློག་ཡིན།། ཞེས
286b5 གསུངས་སོ།། པདྨ་དབང་ཆེན་དྲེགས་པ་སྲུང་བཟློག་གི་རྒྱུད་ལས། མཆོག་གི་དངོས་གྲུབ་བསྒྲུབ་པ་སྟེ་ལེའུ་དྲུག་པའོ།། །། དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས་ཐུན་མོང་གི་དངོས་གྲུབ
286b6 བདག་གཞན་གྱི་བར་ཆོད་སྲུང་བཟློག་འདི་གསུངས་སོ།། གཏི་མུག་ཀླུ་གཉན་ས་བདག་དང་།། འདོད་ཆགས་མ་མོ་བདུད་མོ་དང་།། ཞེ་སྡང་གཤིན་རྗེ་ལ་སོགས་པའི།། རང་གི་བར་ཆོད་སྲུང་བ་དང་།། ཕས་ཀྱི་སྦྱོར
iiif viewer powered by OpenSeadragon
