| e-texts navigator |
| Wylie |
9a1 སྡོམ་པ་དབོག། དམ་ཚིག་བསྒྲགས་ལ་མེ་ཏོག་དོར།། དཀྱིལ་འཁོར་ལྷ་ཡི་རྣམ་པ་བསྟན།། ལྕེ་ལ་བདུད་རྩི་ལུང་བསྟན་བཞག། བུ་དེ་བརྒྱན་ཞིང་ཕྱག་རྒྱ་བསྒོམ།། ཚོགས་ལ་རོལ་ལ་ལྷ་ངོ
9a2 བསྟན།། རྫས་དང་དཀྱིལ་འཁོར་བྱིན་གྱིས་བརླབ།། སློབ་མ་གཞུག་ཕྱིར་གསོལ་བ་གདབ།། ལྷུན་གྲུབ་རང་བཞིན་གནས་པའི་ཕོ་བྲང་ནས།། ཡེ་ཤེས་རྒྱ་མཚོ་ལྷུན་གྱིས་གྲུབ་པའི་ལྷ།། མ་ལུས་མཉམ་པའི་རྒྱལ་པོ
9a3 དགོངས་སུ་གསོལ།། སློབ་མ་མཚན་ལྡན་ཡུམ་གྱི་དཀྱིལ་འཁོར་དུ།། བརྟུལ་ཞུགས་དྲག་པོའི་སྟོབས་ཀྱི་གཞུག་ཏུ་གསོལ།། བདེ་ཆེན་མཉམ་པའི་ཕོ་བྲང་གསང་བ་རུ།། རིག་པ་བརྟུལ་ཞུགས་སྟོབས་ཀྱིས་གཞུག་ཏུ
9a4 གསོལ།། སློབ་མས་མེ་ཏོག་ཐོགས་ལ་བརྡའ་ཕྱག་བཙལ་ལ་གསོལ་བ་གདབ་བོ།། སྟོན་པའི་སྒྲོན་མ་བཅོམ་ལྡན་འདས།། ལྷ་དང་སློབ་དཔོན་དགོངས་སུ་གསོལ།། དྲེགས་པ་སྟོབས་ཀྱི་ཚུལ་བསྟན་པ།། འགྱུར་མེད
9a5 བདེ་ཆེན་ཕོ་བྲང་ནས།། དྲེགས་པའི་ལྷ་ཚོགས་དགོངས་སུ་གསོལ།། བྷ་ག་གསང་བའི་ཕོ་བྲང་ནས།། མཉམ་པའི་རྒྱལ་པོ་དགོངས་སུ་གསོལ།། དམ་ཚིག་དཀའ་ཐུབ་སྡོམ་པའི་མཆོག། རིག་པའི་རྒྱལ་པོ་བདག་ལ
9a6 སྩོལ།། གསང་བའི་ཡེ་ཤེས་བདག་ལ་སྩོལ།། ཡེ་ཤེས་རོལ་པ་བདག་ལ་སྩོལ།། མེ་ཏོག་རིན་ཆེན་དམིགས་དབྱིག་ཀྱང་བསྡུས་ལ།། བདེ་ཆེན་ཕྱི་ཡི་འཇུག་པ་བརྩམ།། ཕུང་པོ་ལྷ་ཡི་དཀྱིལ་འཁོར་བསྟན།། བམ
iiif viewer powered by OpenSeadragon
