| e-texts navigator |
| Wylie |
99b1 སྡུད་གནས་སྦྱངས་བསྲེགས།། བདེ་བའི་ཡེ་ཤེས་འོད་དུ་འཕྲོ།། གཉིས་སྤྲད་རུ་བཟློག་ཁམས་ལྔས་སྦྱངས།། དགའ་བཞི་བདེ་སྐྱེས་བགྲོད་པ་ཐོབ།། ཉི་ཟླ་ཐིག་ལེ་མཉམ་པའི་སྐུ།། སངས་རྒྱས་སྤྱི་གཟུགས་སྟོང་པའི
99b2 མཆོག། གེ་སར་ལྷུན་གྲུབ་འཁོར་རྣམས་རྫོགས།། བྱང་ཆུབ་མྱུ་གུ་བདེ་སངས་རྒྱས།། གནས་གསུམ་མཉམ་ཉིད་གཅིག་ཏུ་གནས།། འདོད་ཆགས་ཆེན་པོའི་ཚུལ་གྱིས་སུ།། ཡེ་ཤེས་འཁོར་ལོ་བདེ་བ་བསྡུ།། ཡོངས་སུ
99b3 གྱུར་ནས་བདེ་ཆེན་སྐུ།། གྲུབ་པར་བྱ་བའི་ཡུལ་ལ་གཟུད།། ཡོངས་སུ་གྱུར་པའི་ཆོས་སྐུར་གནས།། ཞི་བ་བྱང་ཆུབ་ལམ་དུ་བཤད།། དམོད་པ་དྲག་པོས་གྲོལ་བ་ནི།། ཕུང་པོ་རྣམ་ཤེས་གསོད་པའི་གཤེད། ཁམས་དང
99b4 སྐྱེ་མཆེད་འཆི་བདག་བདུད།། ཙིཏྟ་སྔགས་ཚོགས་མཚོན་ཆ་མེད།། ཆགས་པས་རང་བདུད་བསླུ་བའི་གཤེད།། མ་ལུས་ཀུན་གྱི་སྡིག་པ་བགོས།། ཉེ་བར་གྱུར་པའི་ཡན་ལག་ཡིན།། ཞིང་བཅུའི་སྲོག་དང་རྣམ་ཤེས
99b5 སྡུད།། ཐུགས་རྗེ་རྒྱུན་གྱི་སྒྲོལ་བ་ཡིན།། རྟོག་པ་གནས་སྦྱངས་སྔགས་ཀྱི་འོད།། མངོན་པར་སངས་རྒྱས་བདེ་བའི་མཆོག། མཐའ་གསུམ་གཅིག་གི་ངང་དུ་བཤད།། སྲོག་དམར་ལེན་སྤུ་གྲིའི་རྒྱུད་ལས་རྒྱུད་ཀྱི་དོན
99b6 བཤད་པའི་ལེའུ་སྟེ་བཅུ་གཉིས་པའོ།། སྲརྦཿཐཿ།། དེ་ནས་བཅོམ་ལྡན་འདས་ཀྱིས་ཡོན་ཏན་ལྷུན་གྱིས་གྲུབ་པའི་རྒྱུད་འདི་གསུངས་སོ།། སྣང་སྲིད་ཕོ་བྲང་གདལ་བ་ལ།། ལྷུན་གྲུབ་སངས་རྒྱས་ཀུན་འདུས
iiif viewer powered by OpenSeadragon
