| e-texts navigator |
| Wylie |
98b1 གནས་ལ།། མ་ཡེངས་མ་བསྐྱོད་རང་སར་གནས།། སྒྲ་མེད་བརྗོད་བྲལ་ཚིག་བྲལ་སྟོང་།། རང་སེམས་མ་བཅོས་གཉུག་མར་གནས།། བློ་ཞན་གཟུང་བའི་རིམ་པ་ཡིས།། ལུས་ལ་སེམས་འཕྲོག་ཡེ་ཤེས་ཏེ།། མ་བསྐྱོད
98b2 མ་བསླད་སྤྲོས་མེད་པ།། མ་བཅོས་ཆོས་ཀུན་ལྷུག་པར་གནས།། བདེ་བ་རང་ཉམས་བརྟན་པ་ཡིན།། ཆོས་དབྱིངས་བསྐྱོད་དུ་མེད་པའི་ངང་།། རང་བྱུང་རྒྱལ་པོ་བདེ་ཆེན་ཉིད།། སངས་རྒྱས་ཀུན་པས་སྔར་སངས
98b3 རྒྱས།། ཡིན་པ་མེད་པར་ཁྱབ་གསལ་བ།། སྣང་བ་ཆོས་སྐུ་ལྷུན་གྲུབ་ཡངས།། བྱུང་ཚོར་ཡེ་ཤེས་རང་རིག་གསལ།། བྱ་མེད་བགྲོད་ཐབས་བསམ་ཡས་པ།། རྟག་ཆེན་མི་འགྱུར་སྟོང་པ་ཉིད།། སྐྱེ་མེད་རྣམ་དག་ཀུན་གྱི
98b4 དངོས།། བདེ་ཆེན་ཉིད་ལས་གཞན་མེད་པའོ།། སྲོག་དམར་ལེན་སྤུ་གྲིའི་རྒྱུད་ལས་བསམ་གཏད་རང་གྲོལ་གྱི་ལེའུ་སྟེ་བཅུ་གཅིག་པའོ།། ཟས་ཕཊཿ།། དེ་ནས་རིག་པ་ཁྱད་པར་ཅན་གྱིས་སྟན་ལས་ལངས་ནས
98b5 བཅོམ་ལྡན་འདས་ལ་གསོལ་པ། སྙིང་པོ་དོན་གྱི་རྒྱུད་འདི་ལ་བཤད་པའི་ཡན་ལག་དུ་དང་ལྡན། ཆེ་བའི་ཡོན་ཏན་གང་ལྟར་ལགས།། བདེ་བ་ཆེན་པོས་བཤད་དུ་གསོལ།། ཞེས་ཞུས་པས་བཅོམ་ལྡན་འདས་ཁྲག
98b6 འཐུང་གི་རྒྱལ་པོ་བདེ་བ་ཆེན་པོ་དེས། ཆོས་ཉིད་ཁོ་ནའི་བྱིན་རླབས་ལས།། ཡན་ལག་དང་པོ་རྒྱས་པར་གསུངས་སོ།། རྒྱུད་ཀྱི་རང་བཞིན་དགོས་འབྲེལ་ཡིན།། འབྲེལ་བ་རང་བྱུང་རང་རིག
iiif viewer powered by OpenSeadragon
