| e-texts navigator |
| Wylie |
97a1 དང་གནོད་བྱེད་མིང་རུས་དབྱེ།། ཞག་གསུམ་རྔམ་ཚིག་དྲག་པོས་བསྐུལ།། དབུགས་ཀྱི་རྟ་བསྐྱོད་ཡུལ་ལ་འཕང་།། གསང་སྒོ་བུ་ག་རྟེན་ལ་འཇུག། དཀར་ནག་རྒྱུ་ལ་ཡི་གེ་བསླང་།། སྲོག་བདུད་མཚོན
97a2 ཆ་རང་གཤེད་བསྐུལ།། སྔགས་ཀྱི་དབབ་ཀྱིས་སྲོག་ཟུངས་གཅོད།། འོད་འཕྲོས་ཁྲག་དང་བག་ཆགས་སྐྱེམས།། དྭངས་མའི་ཐིག་ལེས་གཉིས་མེད་གྲོལ།། ཙིཏྟ་ཁྲག་སྦལ་ཙ་ནའི་འབྲུ།། རྣོ་མྱུར་མཐུ་གསུམ་འབྲུ་ཡིས
97a3 འཕྲོག། ཀུན་གྱི་རྣམ་ཤེས་རྟེན་ལ་རྦད།། འཁོར་ལོ་ཐོད་པ་གཟིར་ལ་བཅའ།། འདྲའི་སྡིག་སྔལ། སྦལ། ལྟོ་བར་གཞུག། གཉེན་སར་སྲོག་གཟིར་ཕོ་ཉས་དགུག། ཟོད་སྟེང་རྩང་ཕུར་དགུ་ཐོག་དབང་།། ལས་ཚོགས
97a4 དམིགས་པ་གོ་བ་བཞིན།། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས་སྒྲོལ་བ་དྲག་པོའི་སྔགས་འདི་བཏོན་ཏོ།། ཨོཾ་ཡཾ་རཾ་བཾ་ཁྲི་ཤིག་བེ་དུན། དགྲ་བོའི་སྲོག་ལ་ཟུམ་རིལ་རྩ་རྦད། ཙིཏྟ་རྦད
97a5 ཧུར་ཐུམས་ཛ། སྲོག་ལ་ཤ་ཏྲུཾ་སྟམྦྷ་ཡ་ནན། སྦྱོར་བ་ཀུན་གྱི་རྒྱལ་པོ་འདི།། གབ་སྦས་མཐར་ཟུག་ཙིཏྟར་བསྟིམ།། མ་རིག་གནད་མཐའི་སྦྱོར་བ་ཡིན།། སྲོག་དམར་ལེན་གྱི་རྒྱུད་ལས་ཁྱད་པར་རྣམ་པ་གཉིས་ཀྱི་ལེའུ
97a6 སྟེ་བརྒྱད་པའོ།། གྱ་རྒ་ཐཿ།། དེ་ནས་ཡང་བཅོམ་ལྡན་འདས་ཀྱིས་ཕྲིན་ལས་ཐམས་ཅད་ཀྱི་རྗེས་གཅོད་དུ་སྦྱིན་བསྲེག་གི་སྦྱོར་བ་འདི་གསུངས་སོ།། མནྡལ་ཕུངས་དུག་ཆུ་ཡིས།། ཚད་དང་ལྡན་པ་བརྩིག་པར
iiif viewer powered by OpenSeadragon
