| e-texts navigator |
| Wylie |
93a1 གཟེར།། ལྔ་བཅན་བསྟན་ལ་ཟེ་བྲང་གཟིར།། འཇིག་རྟེན་ལོག་རྟོག་འཇོམས་པར་བཤད།། སྲོག་དམར་ལེན་གྱི་རྒྱུད་ལས། ཁྱད་པར་གྱི་ལེའུ་སྟེ་ལྔ་པའོ།། །། ཨཿ། ཤ་མ་ལྡན།། ། དེ་ནས
93a2 བཅོམ་ལྡན་འདས་ཀྱིས་སྙིང་པོ་མཆོག་ཉེ་བར་དྲིལ་བ་འདི་གསུངས་སོ།། འཇིག་རྟེན་དྲེགས་པའི་མཐུ་བསྡུས་ནས།། ནག་པོ་བདེ་བའི་འབྲུ་ལ་དྲིལ།། རྣོ་དཔལ་མཚོན་ཆའི་རྒྱལ་པོར་བཅའ།། སྔགས་ཀྱི་ལུས་ལ་སྤུ།
93a3 གྲི་གདགས།། རང་གནད་ཕྱག་རྒྱ་འཇིག་ཅིང་འཕོ།། སྔགས་པ་བོན་པོ་རིགས་མེད་ལ།། རང་བདུད་ཕྱག་ཆ་རང་བདུད་འབེབས།། དེ་ཡི་སྦྱོར་བ་རྒྱས་པ་ནི།། ཆོས་སྐུ་བདེ་བའི་རང་བཞིན་ལས།། བདེ་བའི་ཡེ་ཤེས
93a4 རང་ཤར་བ།། བདེ་བའི་ཐིག་ལེ་མཉམ་པར་རྫོགས།། གནས་པའི་འཁོར་ལོ་བདེ་བས་འདེགས།། བདེ་བ་ཆེན་པོས་འཁྲུལ་པ་འཇོམས།། དགེ་བཅུ་མ་ཡེངས་མཚན་བརྗོད་པ།། བདུད་དང་གཤེད་མ་རླུང་ལས
93a5 བསླང་།། གཟུགས་བརྟན་འཁོར་ལོ་མ་ཡིན་ཏེ།། གང་ཡིན་སྙིང་གི་འཁོར་ལོ་ལ།། དྲངས་མ་བཞི་ལ་གསང་གཤེད་བཞི།། རྩ་ཕྲན་བརྒྱད་ལ་ཕྱི་ནང་གཤེད།། མདུད་པ་བཞི་ལ་མཚོན་ཆའི་དཔལ།། རྩ་ཕྲན་ཡང
93a6 ལོགས་འཆི་བདག་བདུད།། རྩ་སྒོ་གཞན་ཚོགས་བྷྱོ་རྦད་ནན།། འདུས་པ་གསུམ་ལ་ཡབ་ཡུམ་ཨེ།། དཀར་ནག་ཆགས་པ་རྟེན་གཞིའི་འབྲུ།། བསྐུལ་བས་རང་རྒྱུད་གཤེད་དུ་ལྡང་།། མ་ཡི་ཁོང་ནས་རྣམ་ཤེས
iiif viewer powered by OpenSeadragon
