| e-texts navigator |
| Wylie |
84b1 བདག་དྲག་པོ་གཤིན་རྗེ་ཡིས།། ཀཱི་ལ་ཙིཏྟའི་དཀྱིལ་དུ་བཟའ།། བཏབ་པས་སྨེ་བརྩེགས་དེ་ཉིད་རྒྱལ།། རྡོ་རྗེ་སྲིན་པོའི་འཁོར་བརླགས་ནས།། ནག་པོ་དྲེགས་པའི་ཚེ་བཀྲག་ཕྲོགས།། སངས་རྒྱས་རྫུ་འཕྲུལ་ཞི་བར
84b2 བྱས།། དེས་མ་ཐུལ་ཏེ་དགོངས་པ་བསྡུས།། གསང་སྔགས་ངོ་བོ་དེ་ཁོ་ན།། དྭངས་མ་ཆེན་པོ་ལྔ་ཡི་དངོས།། ཡེ་ཤེས་ལྔ་ཉིད་དེ་རྟོགས་པའི།། རིགས་ལྔའི་གཙོ་བོ་སྤྱི་ཡི་གཟུགས།། ཀ་ལ་མཐིང་ནག་བརྗིད་པའི
84b3 སྐུ།། ཟིལ་གནོན་ཕྱག་རྒྱ་ཆེན་པོ་ཉིད།། སྟོང་ཉིད་མ་སྐྱེས་འགག་མེད་པའི།། ལྷུན་གྲུབ་ཡེ་ཤེས་ཐམས་ཅད་མཁྱེན།། ལྷུན་པོ་རི་རབ་བརྟན་ལྟར་བརྗིད།། རྣམ་པར་དབུ་གསུམ་སྐུ་གསུང་ཐུགས།། རྒྱུད་དྲུག་འཁོར་བ
84b4 བསྒྲལ་བའི་རྟགས།། ཕ་རོལ་ཕྱིན་ཕྱག་ཡེ་ཤེས་དྲུག། སྐྱེ་བ་རྣམ་བཞི་དག་པའི་རྟགས།། ཚད་མེད་ཞབས་བཞི་རྫུ་འཕྲུལ་རྐང་།། སྲ་བྱེད་བརྟན་པས་ཐམས་ཅད་གནོན།། མཉེན་བྱེད་བསྐྱིལ་ཞིང་སྡུད་པའི
84b5 དབང་།། གསལ་བྱེད་ཁྲག་ཆུ་བག་ཆགས་བསྲེགས།། གཡེང་བྱེད་རྐྱེན་མེད་རང་ཤུགས་ལྡན།། སྣང་བྱེད་གོ་འབྱེད་ཁེབས་འོག་ཆུད།། རྒྱུ་རྐྱེན་ཟབས་ལ་རག་མ་ལུས།། བདེ་བ་ཆོས་སྐུ་སྟོང་བདག་མེད།། སྟོང་ལས
84b6 ཀུན་སྐྱེས་བསམ་དཔག་དཀའ།། ནག་པོ་འདུལ་ཕྱིར་སྣ་ཚོགས་སྦྲུལ།། ཡ་མ་བཛྲ་ཁྱམས་ཁང་ཁྱུང་།། དེ་བཞིན་གཉིས་ལྡན་སེང་གེ་སྟག། གདུག་པའི་ཡེ་ཤེས་ཁྲོ་ཆུང་འབར།། ཚུལ་དགུ་ཆས་དགུ་རྒྱན་དགུ
iiif viewer powered by OpenSeadragon
