| e-texts navigator |
| Wylie |
83a1 པས། བདུད་དང་གཤེད་རང་གི་རྒྱུད་ལས་ལྡང་ཞིང་། རང་གཅོད་ཀྱི་མཚོན་ཆ་བསྐུལ་བས། རྩ་དང་སྲོག་ཟུངས་རང་གཤེད་གཅོད་ཅིང་། ཁྲག་དང་བག་ཆགས་རང་སྐྱེས་ཏེ། ཟོད་པར་སྙིང་པོ་དང་སྲོག
83a2 སྡུད་པའོ།། དཔལ་ཚེ་བདག་ནག་པོ་སྲོག་དམར་ལེན་གྱི་རྒྱུད་ལས། གླེང་གཞི་རྩ་བའི་ལེའུ་སྟེ་དང་པོའོ།། །། དེ་ནས་འཁོར་རྡོ་རྗེ་སྙིང་པོས་བཅོམ་ལྡན་འདས་ལ་གསོལ་པ། རྒྱལ་བ་ཀུན་གྱི་རང་བཞིན
83a3 དངོས།། གསང་སྔགས་ངོ་བོ་དེ་ཉིད་ལགས།། འཇིག་རྟེན་འདས་དང་འཇིག་རྟེན་པའི།། དྲེགས་པའི་མཐུ་རྩལ་ལྡན་པ་ཀུན།། སྲོག་སྙིང་དབུལ་ཞིང་ལས་ལ་གཉེར།། བཀའ་བཞིན་ཉེ་བ་ཇི་ལྟ་བུ།། ལྷུན་གྲུབ་ཟིལ
83a4 གནོན་ཕྱག་རྒྱ་བསྟན།། གཉེན་པོ་གང་ཕྱིར་བརྗིད་པའི་སྐུ།། དྲག་པོས་གདུལ་བྱ་གང་ལགས་པ།། འཁོར་ལ་རྒྱས་པར་བཤད་དུ་གསོལ།། ཞེས་གསོལ་པས། བཅོམ་ལྡན་འདས་ཀྱིས་དྲི་བ་གསུམ་གྱི་དོན་རྒྱས་པར
83a5 བཤད་དོ།། བསྐལ་པ་རྫོགས་ལྡན་བྱ་བ་ལ།། རིགས་ལས་གོལ་བའི་ཁྲོ་བོ་ལ།། ནག་པོ་འཐོམ་བྱེད་བདུད་ཀྱི་གཙོ།། སྲིད་པའི་མངའ་བདག་ཁྲག་སྐྱུགས་གཅོད།། རྩུབ་ཁྲོ་སྲོག་གཅོད་གིང་གི་གཙོ།། ཞེ་སྡང་གདུག་པ
83a6 གདུག་ཁྲོའི་གཙོ།། ཕུང་བྱེད་ནག་པོ་ཚེ་ཡི་བདག། འབྱུང་བ་བཞི་ཡི་རྔམ་འོག་ན།། བརྒྱད་གཉིས་དྲུག་གཉིས་བཞི་དབུས་ན།། ལུས་ཆེན་ཡན་ལག་རགས་ལ་རྔམ།། སྐྲ་དང་ཁ་སྤུ་ཨག་ཚོམ་རྩུབ།། སྟོད་སྨད་སྲིན་པའི
iiif viewer powered by OpenSeadragon
