| e-texts navigator |
| Wylie |
81a1 ཏོ།། ཐུགས་པར་བཤ། ཨ་ཨེ་ཧ་ཧ་ཡཱ་ག་ཤ་དེ་པ་ཏི་སུ་མ་ར་རཾ་རཾ་ཞེས་བསྒྲགས་སོ།། འཁོར་ཐམས་ཅད་རང་རང་གི་ཡིད་རང་བཞིན་གྱི་མེ་རུ་འབར་ནས་ཚིག་ཅིང་བརླག་ལ་ཁད་དོ།། དེ་ནས་བཅོམ་ལྡན
81a2 འདས་ཀྱིས་འཁོར་དེ་དག་གི་རང་རང་གི་རང་བཞིན་མཐོང་ངོ་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ཚེ་བདག་ནག་པོས། ཉིད་ཀྱི་སྲོག་གི་སྙིང་པོ་དེ་ཁོ་ན་ཉིད་ཡང་ནས་ཡང་དུ་རྣམ་པར་བསྒྲགས་སོ།། ཨེ
81a3 ཨེ་ཨེ་ཨེ་ཞེས་བརྗོད་པས་ཆོས་ཐམས་ཅད་རང་བཞིན་མེད་པ་མ་སྐྱེས་པ།། འདུས་མ་བྱས་པ། ནམ་མཁའ་ལྟ་བུར་རང་གྲོལ་བའོ།། དེ་ལ་ཆོས་ཐམས་ཅད་འབྱུང་ཞིང་ཡེ་ཤེས་རང་ལ་གནས་སོ།། དེ་ལ་ཆོས་ཐམས
81a4 ཅད་དྲག་པོའི་གཏུམ་རྔམ་འབར་བས་ཡེ་ཤེས་ཐིག་ལེའི་ངང་དུ་རང་བཅོམ་མོ།། དེ་ལ་ཆོས་ཐམས་ཅད་ཞེ་སྡང་འབར་བའི་མེ་ཡིས་རྟོག་འཛིན་ཐམས་ཅད་བསྲེགས་ཏེ་རང་སྐམ་ནས་ཡེ་ཤེས་རང་གསལ་ལོ།། དེ་ལས
81a5 འཁོར་ཐམས་ཅད་ཡེ་ཤེས་སྐྱེས་ཏེ་རང་རང་གི་སྲོག་གི་སྙིང་པོ་ཐམས་ཅད་མདོངས་གསོལ་དུ་ཕུལ་ལོ།། དེ་ལ་ཐུགས་ཀྱི་སྤྲུལ་པ་ཚེ་བདག་ནག་པོ་མགོ་དགུ་པ་ཡིས། ཀ་ཞེས་ཞེས་རྔམ་པར་བསྒྲགས་པས་ཕྲིན
81a6 ལས་ཐམས་ཅད་ལྷུན་གྱིས་གྲུབ་ཅིང་ཡོངས་སུ་རྫོགས་པར་གྱུར་ཏོ། དེ་ནས་ཡུམ་གསོད་བྱེད་ཀྱི་རྒྱལ་མོས་མྱགས་ཤེས་ཕུལ་བས། ལོག་པའི་སྲོག་དབང་དུ་འདུས་ནས་ཡེ་ཤེས་ཀྱི་ཐིག་ལེར་གསལ་བའོ།། ཕྱག་ན་རྡོ།
iiif viewer powered by OpenSeadragon
