| e-texts navigator |
| Wylie |
80b1 རྒྱ་གར་སྐད་དུ། ཤྲི་ཨཱ་ཡུཿཔ་ཏི་ར་ཀ་ལ་ཏནྟ། ཨེ་མནྟ་ཏཱ་ཏ་ཛི་བིན་རཱ་ག་ཀ་སོ་རི་ནཱ་མ། བོད་སྐད་དུ། དཔལ་ཚེ་བདག་ནག་པོའི་རྒྱུད། དྲག་སྔགས་ཀྱི་དེ་ཁོ་ན་སྲོག་དམར་ལེན་གྱི་སྤུ་གྲི་ཞེས་བྱ་བ། དཔལ་ཆེ
80b2 བདག་ནག་པོ་བདེ་བ་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཆོས་ཉིད་ཀྱི་ཕོ་བྲང་ན། ཁྱབ་གདལ་ཆེན་པོའི་གནས་ཞེ་སྡང་ཆེན་པོ་རྣམ་པར་དག་པའི་གཞལ
80b3 ཡས་ན། འཁོར་དུ་མ་འདུས་པའི་ནང་ནས། རྡོ་རྗེ་ཡོངས་སུ་འཛིན་པ་དང་། བདེ་བའི་ཡེ་ཤེས་ཅན་དང་། བགྲོད་པ་ཕྱིན་ཅི་མ་ལོག་པ་དང་། ལམ་ཉེ་བར་འཛིན་པ་དང་། གར་དགུའི་ཆོས་ཀྱི་ཕྱག་རྒྱ་འབར་བའི་རྣམ
80b4 པ་དང་། ལམ་ལས་གོལ་བའི་རྫུ་འཕྲུལ་ཅན་རྣམས་དང་ཐབས་ཅིག་ཏུ་ཞེ་སྡང་ཆེན་པོ་འདུལ་བའི་ཏིང་ངེ་འཛིན་ལ་རྔམ་པར་བཞུགས་སོ།། དེ་ནས་འཇིག་རྟེན་གསུམ་གྱི་ཕྱོགས་བཅུ་གཡོས་པར་གྱུར་ཏེ། འཁོར
80b5 རྣམས་རྒྱལ་བ་རྒྱ་མཚོའི་ཚོགས། འཇིགས་ཤིང་སྐྲག་ནས་བརྒྱལ་ལ་ཁད་དོ།། འཁོར་དེའི་ནང་ནས་རིག་པའི་སྟོབས་ཅན་ལོངས་ཏེ་གསོལ་པ།། བཅོམ་ལྡན་འདས་འདུས་པའི་ཚོགས་རྣམས་འཁོར་དུ་མཆི། འཁོར
80b6 ལ་ཐུགས་རྗེ་མ་ཆུང་མཛོད།། མགོ་ལུས་སྙིང་ཡང་འགས་པ་སྙམ།། གདུང་བའི་ཤུགས་ཀྱིས་ཉེ་བར་མཛོད།། ཅེས་གསོལ་ཏོ།། དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ཏེ་དགྱེས་པའི་ང་རོ་འདི་སྟོན
iiif viewer powered by OpenSeadragon
