| e-texts navigator |
| Wylie |
6a1 རྒྱས།། བདེན་གཉིས་མ་རྟོག་སྟོང་བདག་མེད།། རྩོལ་བསྒྲུབ་བྱ་བྱེད་འཆང་བའི་ནད།། རྩ་བ་ཀུན་འདུས་དོན་གཅིག་ལ།། བསྒོམ་བསྒྲུབ་བྱ་རྩོལ་རྩལ་མེད་རྒྱན།། ཆོས་ཀུན་སྐྱེ་མེད་སྙིང་པོ་རྩལ་མེད
6a2 པས།། ནམ་མཁའི་དཔེ་བཞིན་སྟོང་བདག་མེད།། སྐྱེ་མེད་ནམ་མཁའ་རྩོལ་སེམས་བྲལ།། དོན་དམ་ཆོས་ཉིད་མ་སྐྱེས་པས།། དཔེ་མེད་ནམ་མཁའ་ལྟ་བུར་བཤད།། རྩ་བ་གཅིག་པས་ཐམས་ཅད་མཁྱེན།། ངོ་བོ་མེད
6a3 ཕྱིར་ཅིར་སྣང་སྲིད།། མ་སྐྱེས་པས་ན་ཐམས་ཅད་འབྱུང་།། སངས་རྒྱས་སྐུ་གསུང་ཡེ་ཤེས་ཟུགས།། སེམས་ཅན་ལུས་ངག་བག་ཆགས་ལ།། སྣང་སྲིད་ཆོས་རྣམས་ཀུན་གྱི་གཞི།། སྙིང་པོ་བྱང་ཆུབ་སེམས་ལས
6a4 བྱུང་།། སངས་རྒྱས་ཞིང་དང་ཕོ་བྲང་གནས།། ཀུན་ཡིན་གང་མིན་རང་རིག་ཉིད།། ཡེ་ཤེས་ཐིག་ལེ་གཅིག་ལ་གསལ།། སྲིད་པ་གསུམ་དུ་སྣང་བ་ཡང་།། ལམ་ལྔ་རྒྱུད་ལྔ་གནས་ལྔ་འཁོར།། ལ་སོགས་སྡུག་བསྔལ
6a5 མཉམ་ལ་སོགས།། སྡུག་བསྔལ་རྩལ་མེད་མཉམ་པར་གནས།། ཐབས་ཀྱི་ཕྱག་རྒྱས་རང་གྲོལ་བའོ།། ཆོས་སྐུ་སྐྱེ་འགག་མེད་པ་ལས།། དྲག་སྔགས་ཡེ་ཤེས་རོལ་པར་ཤེས།། དཔལ་ཚེ་བདག་གི་དགོངས་རྒྱུད་ནག་པོ
6a6 ལས། ཆོས་ཉིད་ཀྱི་དོན་གཏན་ལ་དབབ་པའི་ལེའུ་སྟེ་གཉིས་པའོ།། །། དེ་ནས་འཁོར་གྱི་དམ་པ་རྡོ་རྗེ་སྙིང་པོས་བཅོམ་ལྡན་འདས་རྡོ་རྗེ་འཆང་ཆེན་པོ་ལ་གསོལ་པ། རྒྱུད་ཅེས་བྱ་བ་ཅི་ལྟར་ལགས།། འཁོར
iiif viewer powered by OpenSeadragon
