| e-texts navigator |
| Wylie |
69a1 རྒྱ་གར་སྐད་དུ། རུ་དྲ་མནྟ་བིཙྪ་ཧྲྀ་ད་ཡ་ཀཱིརྞ་ཏནྟྲ་ནཱ་མ།། བོད་སྐད་དུ། དྲག་པོའི་སྔགས་རྒོད་སྡིག་པ་སྙིང་འཛིངས་ཀྱི་རྒྱུད་ཅེས་བྱ་བ།། དཔལ་འཇིགས་བྱེད་ཀྱི་རྒྱལ་པོ་ཡ་མཱནྟ་ཀ་ལ་ཕྱག་འཚལ
69a2 ལོ།། དེ་ནས་རྡོ་རྗེ་སྙིང་པོ་ཡིས།། རྡོ་རྗེ་ཁྲོ་བོ་འཇིགས་ཚོགས་ལ།། ཀུན་ཀྱང་གུས་པས་ཕྱག་བཙལ་ཏེ།། བདེ་མཆོག་ཡབ་ལ་འདི་སྐད་གསོལ།། ཨེ་མ་ཧོ།། སངས་རྒྱས་ཀུན་གྱི་རང་བཞིན་ཏེ།། རྡོ་རྗེ་འཆང་གི་ངོ་བོ
69a3 ཉིད།། སྙིགས་མ་ལྔ་ཡི་དུས་ཉིད་དུ།། མཚམས་མེད་ལས་རྣམས་ཀུན་སྤྱོད་པས།། འགལ་བ་ཆོམ་ལ་དབབ་པའི་ཕྱིར།། རང་གཤེད་དྲག་པོ་བཤད་པར་མཛོད།། དེ་ནས་ཕྱག་རྒྱ་ཆེན་པོ་ཡིས།། རྡོ་རྗེ་སྙིང་པོ་ཁྲོ་ཚོགས
69a4 ལ།། གསང་ཚིག་དྲག་པོའི་དམོད་པ་ཡིས།། འགལ་བ་ཆོམ་ལ་དབབ་པའི་མཆོག། འཁོར་ལ་ཉེ་བར་བཀའ་སྩལ་ཏོ།། སྙིགས་མ་ལྔ་ཡི་དུས་ཉིད་དུ།། མཚམས་མེད་ལས་ངན་ཀུན་སྤྱོད་པས།། བན་དགྲ་དམ་ཉམས
69a5 བསྒྲལ་བའི་ཕྱིར།། རི་ཐང་མཚམས་སུ་ཞེ་སྡང་ཅན། ཁྲོས་པའི་གཞུ་བཅག་སྦྱོར་བ་བརྩམ།། དེ་ཡང་ཕྱིར་ལ་བཟློག་པ་དང་།། བྱས་པ་བཤིག་དང་ཟུག་པ་དབྱུང་།། གསང་ལམ་དགག་དང་གཟིར་གནན་ཏེ།། སྦྲང་མོ
69a6 དྲུག་གི་སྦྱོར་བ་ཡིས།། དང་པོ་འཆི་མེད་དུས་སྦྱོར་ཟློག། བར་དུ་མཁའ་འགྲོ་གཟན་ལ་དབབ།། ཐ་མ་དུག་མདའ་ཁོང་དུ་སྐྱལ།། ཞེས་གསུངས་སོ།། དྲག་པོའི་སྔགས་རྒོད་སྡིག་པ་སྙིང་འཛིངས་ཀྱི་རྒྱུད་ལས། ཞུས་པ
iiif viewer powered by OpenSeadragon
