| e-texts navigator |
| Wylie |
67b1 འདི།། རིག་བྱེད་རྡོ་རྗེ་སྙིང་པོས་ཟུང་།། སྐྱེ་མེད་རྣམ་དག་ཆོས་དབྱིངས་ཕོ་བྲང་ནས།། ཐུགས་རྗེའི་རོལ་པས་བྱེ་བྲག་ཅིར་བསྟན་ཀྱང་།། གཉིས་མེད་འབྲས་བུ་ཕྱག་རྒྱ་ཆེན་པོས་རྫོགས།། སྣང་སྟོང་གཉིས་མེད་ཡེ
67b2 ཤེས་སྒྱུ་མའི་སྐུ།། རྟག་ཆད་མཐའ་ལས་གྲོལ་བའི་ཡེ་ཤེས་ཉིད། ཁོ་ན་ཉིད་དོ་གཉུག་མ་རྡོ་རྗེའི་སྐུ།། ཕྱག་རྒྱ་ཆེན་པོས་ཟིལ་གྱིས་གནོན་པར་གནས།། སྐུ་ཡི་སྒྱུ་མའི་ཕྱག་རྒྱ་ཅིར་ཡང་གནས།། གསུང་ནི་ཁྲོ་བོ་རྔམས
67b3 སྒྲ་ལྔ་དང་ལྡན།། ཐུགས་ནི་སྣ་ཚོགས་ཆོ་འཕྲུལ་མཚོན་ཆ་བཞིན།། ལས་ཀྱི་སྐབས་ཀྱིས་ཕྱེ་བ་དེ་ལྟ་བུའི།། ངོ་བོ་ཉིད་ནི་ཆོས་སྐུ་འགྱུར་བ་མེད།། སྐྱེ་བའི་ཆོ་འཕྲུལ་སྣང་ལ་རང་བཞིན་མེད།། ཡོན་ཏན་ཡེ་ཤེས་མཚན
67b4 དང་དཔེ་བྱད་ལྡན།། སྙིང་པོ་འགྱུར་བ་མེད་པའི་ངང་ལས་འཆར།། ཐམས་ཅད་ཆོས་སྐུ་བདེ་བ་ཆེན་པོའི་ངང་།། བགྲོད་པ་རྣམ་གསུམ་ཐོབ་པའི་རྩལ་གྱི་ཡོད།། ཨེ་མ་རྣོ་དཔལ་མཚོན་ཆའི་མཆོག། སྡིག་པ་སྙིང་ལ་རུ
67b5 འཛིངས་པའི།། སྙིང་པོ་དུག་དཔལ་དམོད་པའི་མཆོག་ཁྱད་པར་གསང་བའི་སྦྱོར་བ་འདི།། དཔའ་བརྟུལ་དྲག་པོའི་སྟོབས་ཀྱིས་སྤྱོད།། སྡེབས་དང་རྐྱང་བ་སྟོབས་དང་སྦྱར།། སྟོབས་ལྡན་འཛོམ་ན་སྦྱོར་བ
67b6 བསྡེབ།། རྒྱ་མདུད་བརྩེགས་པའི་ལྟོ་བའམ།། ནམ་མཁའ་བར་སྣང་ས་གཞིའི་འོག། འཁོར་ལོ་རྫོགས་པ་རྫས་ཀྱིས་གནད།། རི་རབ་མཆོད་རྟེན་པར་དག་ཏུ།། སྟོབས་ཀྱི་འཁོར་ལོ་ཐོད་པར་གཞུག། ཕྱག་རྒྱ་གསལ
iiif viewer powered by OpenSeadragon
