| e-texts navigator |
| Wylie |
67a1 ཆད་ཀྱི།། སྔགས་ཀྱི་བཟླས་བརྗོད་ཅི་བྱས་པ།། རི་རབ་རྒྱ་གྲམ་ཆེན་པོ་ཡིས།། ངག་གི་ནུས་པ་གནོད་པར་བྱེད།། ནུས་པ་ནོན་ཅིག་ཅེས་ཀྱང་བརྗོད།། དྲག་པོའི་ངག་མནན་འཁོར་ལོ་བཤད།། འབྱུང
67a2 བའི་ཁྲམ་བཟློག་ཆེན་པོ་སྟེ།། གསང་སྔགས་འཁོར་ལོ་བསྐོར་བ་ཡིས།། འཇིག་རྟེན་ལྷ་འདྲེ་ཁམས་འཁྲུགས་ཤིང་།། མཚོན་ཆའི་འཁོར་ལོ་ལོག་པ་ལྟར། ཁོ་རང་རྒྱུད་ལ་ལྡོག་པ་ནི།། ཕོ་ཉ་བཟློག་པ་ཞེས་སུ
67a3 བཤད།། འཆི་བདག་ཤན་པའི་ལྟོ་བ་རུ།། གསང་བའི་སྔགས་ཀྱི་ལྟོ་དཀྲུག་པས།། ལྷ་སྲིན་ཙིཏྟ་འཁྲུག་པ་ཡིས།། གཟས་པའི་རྩ་སྲོག་འབྲལ་བས་ནི།། ཙིཏྟ་དཀྲུག་པའི་ལས་སུ་བཤད།། སྲིད་པའི་རུས་སྦལ་ལྟོ་བ
67a4 རུ།། ཀླུ་དང་ས་བདག་སྡེ་བཞི་ལ།། སྟོབས་ཀྱི་སྔགས་ཀྱི་འོད་ཟེར་གྱིས།། གདུག་པའི་ཀླུ་གཉེན་དུག་བླངས་ཏེ།། གཟས་པའི་སྙིང་ལ་འདུས་པར་བསམ།། གཏད་ལོག་ནག་པོའི་ལས་སུ་བཤད།། ཕྱག་རྒྱ་མཚོན་ཆ
67a5 དམིགས་པའི་ཡུལ།། གསལ་བ་གསུམ་གྱིས་ལས་ཀུན་འགྲུབ།། ཅེས་གསུངས་སོ།། སྡིག་པ་སྙིང་ལ་རུ་འཛིངས་འཁྲུལ་འཁོར་ནག་པོ་གསང་བའི་རྒྱུད་ལས། ཡང་གསང་ཐུགས་ཀྱི་ལེའུ་སྟེ་བཅུ་གསུམ་པའོ།། །། དེ
67a6 ནས་བཅོམ་ལྡན་འདས་ཀྱིས་ཡོངས་སུ་བསྐོར་བའི་འཁོར་རྣམས་ལ་འདི་སྐད་ཅེས་གསུངས་སོ།། ཨེ་མ་རྣམ་རྟོག་མཚན་མ་རང་གྲོལ་བའི།། རྡོ་རྗེ་བདེ་བ་ཆེན་པོའི་བཀའ།། གསང་ཚིག་དམོད་པའི་ལས་མཆོག
iiif viewer powered by OpenSeadragon
