| e-texts navigator |
| Wylie |
66b1 ལོ་འཕྲོ།། ཀུན་འདུས་རྩ་བཅད་ཙིཏྟར་འདུས།། ཧུར་ཟུམས་ཛ་ཡི་ནརྀ་ཕྲོགས་ནས།། སྲིད་པའི་ཁྱམས་ཁང་མཚོན་ཆས་གཅོད།། འདི་དག་བསད་པའི་ལས་སུ་རིག། བསྐྱེད་པ་ཁ་གསོ་དུག་དཔལ་གྱིས།། རྩ་རྣམས
66b2 ཁེངས་ནས་ནད་རྒྱས་ནས།། རྩ་ཡི་མདུད་བཅད་སྲོག་བྲལ་གྱུར།། ཕྱོགས་སམ་སྒོ་བཞི་ལས་ཀྱི་ཐུན། ཁ་གསོ་ཟོར་གྱི་ལས་སུ་ཤིས།། འཁོར་ལོ་ཐུན་བརྡེག་ལས་རབ་མཆོག། རྐྱང་པ་སྦྲང་མ་ལས་ཀྱིས་སྡེབས།། སྤྱིར
66b3 ནི་འཁྲུལ་འཁོར་གསང་བའི་བཅུད།། ཡང་གསང་ཐུགས་ཀྱི་འཁོར་ལོར་བཤད།། ལས་ཀྱི་རྒྱལ་པོའི་སྙིང་ནང་དུ།། རྩ་བཞི་མཚོན་གྱིས་གཅོད་པར་བྱེད།། དམ་མེད་སློབ་བུའི་སེམས་པ་ཉིད།། ལྕགས་ཀྱི་སྡིག་པས་རྩ
66b4 བརྒྱད་ཟ།། དམ་འདྲེས་བསེ་ཡི་སྦལ་པ་ལ།། ནད་ཁྲག་འདུས་ཤིང་ལྡང་བར་འགྱུར།། སྔགས་པ་ནག་པོ་སྤྱི་ཡི་སྦྲན།། རང་གཤེད་བསེ་ཡི་སྦལ་པ་ཡིས།། རྣམ་ཤེས་དུག་ཁྲག་མེ་ཆུར་བསྐོལ།། བོན་པོ་རིགས་གཉིས
66b5 ཕྱི་རོལ་པ།། ཕག་རྒོད་ནད་དང་མཚོན་གྱིས་བསྒྲལ།། གནམ་ལྕགས་འཐབ་ན་རྟོག་མེད་ལས།། ཕྱག་རྒྱ་རྫོགས་པས་རོལ་པའི་སྐུ།། གཉིས་སུ་མེད་པའི་ཡེ་ཤེས་བསྒོམ།། གཞན་གྱི་སྟོབས་རྣམས་རབ་ཏུ
66b6 གཟིར།། ལས་དྲུག་སྤྱི་ཡི་དགོངས་པར་བཤད།། ནག་པོ་སྟོབས་དང་དཔྲལ་བ་དག། རྒྱ་གྲམ་དྲེགས་པའི་སྔགས་བྲིས་ཏེ།། ལྕེ་སྟེང་རི་རབ་དག་གིས་མནན།། ཞི་ཁྲོ་ཕུར་པ་གཤིན་རྗེ་ནས།། ས་བདག་ཀླུ་སྲིན་ཡན
iiif viewer powered by OpenSeadragon
