| e-texts navigator |
| Wylie |
66a1 ནས་ཡང་འཇིགས་བྱེད་ཆེན་པོ་དེས། གསང་སྔགས་ཀྱི་འཁོར་ལོ་བསྐོར་བ་འདི་གསུངས་སོ།། གདོད་ནས་རྣམ་དག་ཡེ་ཤེས་སྐུ།། ལྷུན་གྱིས་གྲུབ་པ་ཡིན་པ་ལ།། སྩོལ་བསྒྲུབ་རེ་དོགས་འཛིན་པ
66a2 བྲལ།། རྣམ་རྟོག་བག་ཆགས་སྤྲིན་ལྟ་བུ།། ནམ་མཁའ་ལྟ་བུར་འཛིན་མེད་པ།། སྲུང་བ་ཀུན་གྱི་མཆོག་ཏུ་བཤད།། སྟོང་པའི་དབྱིངས་ལས་རྫོགས་པ་ཡི།། ཕྱག་རྒྱའི་རོལ་པ་ཡོངས་རྫོགས་པ།། བསམ་གཏན་སེམས
66a3 ཀྱི་འཁོར་ལོར་བཤད།། རྒྱུ་དང་འབྲས་བུ་སྲོག་དང་ལས།། དྲེགས་པའི་དེ་ཉིད་ཤེས་པ་ན།། དྲེག་པ་རང་གཤེད་རང་གིས་བྱེད།། བསམ་གཏན་འཁོར་ལོ་བྱེད་པ་ན།། སྔགས་དང་རྫས་དང་ཏིང་འཛིན་གྱིས།། མིང
66a4 དང་རྟོག་པ་དབྱིངས་སུ་བསྒྲལ།། སྔགས་ཀྱི་གྲོང་ཁྱེར་རབ་བསྒྲིལ་ཞིང་།། མིང་ནས་བོས་ཤིང་རབ་ཏུ་གཟིར།། རྣམ་ཤེས་འཕྲོག་ཅིང་གཅད་བྱ་བ།། སྔགས་ཀྱི་ཕྲེང་བས་གདུག་པ་འདུལ།། དྲེགས་པས་དཀྲུགས་ཤིང
66a5 དབང་བསྡུས་ལ།། མིང་ནས་བོས་ལ་ཐོག་ལྟར་གཟིར།། རྣམ་ཤེས་འཕྲོག་སྟེ་མཚོན་ཆས་གཅོད།། བསྲུང་ཞིང་བཟློག་པའི་ལས་སུ་རིག། དེ་ཉིད་རང་གཤེད་ཕེབ་པས་ན།། རྣོ་མྱུར་སྲིད་པའི་ཁྱམས་ཁང་ན།། རང
66a6 གཤེད་གདུག་པའི་ཡི་གེ་གནས།། དྲག་སྔགས་དབུས་ཀྱི་རྟ་ལ་ཞོན།། དུག་རླངས་འོད་ཟེར་རང་ཤུགས་འཕྲོ།། ཤ་ཟ་གསོད་བྱེད་ཕོ་ཉ་བསྐུལ།། རང་གནད་གདུག་པའི་ཡི་གེ་བླངས།། བདག་གཤེད་གྲོགས་ཀྱི་འཁོར
iiif viewer powered by OpenSeadragon
