| e-texts navigator |
| Wylie |
65b1 འཁོར་ལོ་ཁ་སྦྱར་གའུར་གཞུག། ནམ་མཁའ་བར་སྣང་ས་འོག་གི། དབང་ཆེན་སྟོབས་ཆེན་འདུས་པ་ཡིན།། འོག་གི་འཁྲུལ་འཁོར་གསང་བར་གཤད།། བར་ཆའི་འཁོར་ལོ་འདི་ལྟ་སྟེ།། གཤེད་པོ་ལས་རྒྱས་ལྟོ
65b2 བ་རུ།། མུ་ཁྱུད་རིམ་པ་ལྔ་རུ་བསྐོར།། དབུས་སུ་འདོད་པའི་མིང་རུས་བྲི།། གཡས་གཡོན་འདོམས་སུ་དམ་སྲི་རུ།། ཀླུ་སྲིན་ས་སྲིན་སྙིང་པོ་བྲི།། སྙིང་ལ་སྡིག་པ་བཞི་བགྲད་པ།། དམར་ལེན་དྲག་སྔགས་འབྲུ་བརྒྱད
65b3 བྲི།། ཕྱི་རིམ་ཡང་སྙིང་འཁྲུལ་མིག་དག། བརྒྱད་བཞི་དྲེགས་པའི་ཡང་སྙིང་བྲི།། ཐ་མ་འཁོར་ལོ་བཅུ་གཉིས་རྩིབས།། བྱས་པ་འཇིགས་པའི་འཁྲུལ་འཁོར་བྲི།། བར་ཆད་དག་གི་འཁྲུལ་འཁོར་ཡིན།། སརྦ་ཤ་ཏྲུཾ་སྠཱམྦྷ
65b4 ཡ་ནན། འགྲིར་རྦད། པདྨ་སྦུར་སྲོག་ནན་སྙིང་གཟེར་བྲེང་ཤག་ཡཾ་རྦད། རི་རབ་བང་རིམ་གསུམ་པའི་ཁར།། གྲུ་གསུམ་ནག་པོ་དུག་ཁྲག་བྱུག། རབས་ཆད་ཐོད་པར་འཁྲུལ་འཁོར་བཅའ།། སྒོ་བཞི་རྫོགས་པའི
65b5 མཆོད་རྟེན་དག། རུས་སྦལ་གདན་ལ་གླང་ཆེན་འདེགས།། སྒོ་བཞི་གྲི་ལྕགས་སྤུག་མ་རུ།། དྲག་པོའི་སྔགས་ཐུན་མཚོན་ཆས་བརྡར།། བསད་པ་ལས་ཀྱི་མཚོན་དུ་བཤད།། ནམ་མཁར་ཕྱག་རྒྱ་གསལ་བ་ཡི།། སྟོབས
65b6 ཆེན་སྙིང་པོ་རྫོགས་པ་དང་།། ལས་རབ་ཀུན་གྱི་མཆོག་ཏུ་བཤད།། སྡིག་པ་སྙིང་འཛིངས་འཁྲུལ་འཁོར་ནག་པོ་གསང་རྒྱུད་ལས། རྫས་བཟློག་གསང་བ་འཁྲུལ་འཁོར་གྱི་ལེའུ་སྟེ་བཅུ་གཉིས་པའོ།། །། དེ
iiif viewer powered by OpenSeadragon
