| e-texts navigator |
| Wylie |
64a1 ཟིལ་གནོན་རོ་ཉེ་ཟ།། ཕྲག་སོར་སྨུག་ནག་འཇིགས་པའི་ཁྱུང་།། དཔུང་པར་སྟག་ཆེན་རོ་ལ་རྔམས།། ནུ་འཇིང་སེང་གེ་རལ་པ་སྐྲག། སྟ་ཟུར་དུག་སྦྲུལ་ནག་པོ་འཁྲུག། སངས་རྒྱས་ཀུན་གྱི་ངོ་བོ
64a2 ཉིད།། རྡོ་རྗེ་འཆང་རྒྱལ་སྤྱི་གཟུགས་ཅན།། མ་སྐྱེས་ངང་ལས་རང་བཞིན་འཆར།། གདོད་ནས་རྣམ་དག་ཡེ་ཤེས་སྐུ།། བསྐྱེད་དང་སྤྱན་དྲངས་མཆོད་མི་དགོས།། རྒྱུ་དང་རྐྱེན་ལ་རག་མ་ལུས།། སྐྱེ་འགག་མེད་པའི་ཡེ
64a3 ཤེས་གསལ།། ཕྱག་རྒྱ་ཀུན་གྱི་ཟིལ་གནོན་ཡིན།། རོལ་པ་ཆེན་པོའི་ཕྲིན་ལས་ཀྱི།། གསང་སྔགས་ཕྲེང་བ་དེ་ཉིད་ལས།། བོད་པ་མིང་དང་བརྡའ་རུ་སྦྱར།། རྣམ་པར་ཤེས་པ་འབྲུ་རེ་ཕྲོགས།། དྲེགས་པ་འདུལ་བྱེད
64a4 གསང་སྔགས་སྲོག། ཟིལ་གནོད་གསུང་གི་ངོ་བོ་ཉིད།། འདི་ཉིད་མཆོག་གི་ལས་ཡིན་པས།། འདི་མེད་ལས་ཀུན་དབྱུག་པ་རྐྱང་།། རྦོད་གཏོང་འཁྲུག་གམ་ཐུན་མོང་དུ།། རྫས་དང་སྔགས་ཀྱི་ནུས་པ་ཡིས།། དྲེགས
64a5 པའི་སྦྱོར་བ་ངན་པ་འཇོམས།། སྡིག་པ་ནག་པོ་སྙིང་འཛིངས་འཁྲུལ་འཁོར་ནག་པོ་གསང་བའི་རྒྱུད་ལས། ཕྱག་རྒྱ་ཆེན་པོ་སྲུང་བའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་འཇིགས་བྱེད་ཆེན་པོས་དེས།།
64a6 ཀླུ་བདུད་འཆི་བདག་གདུག་པ་ཅན་ཆུ་སྲིན་མགོ་ཅན་དབང་དུ་བསྡུས་ཏེ། ལས་ཀྱི་འཁྲུལ་འཁོར་གཏད་ལོག་ནག་པོ་ཞེས་བྱ་བ་འདི་གསུངས་སོ།། རུས་སྦལ་ནག་པོ་མཇིང་བསྣོལ་གྱི།། ལས་ཀྱི་འཁྲུལ་འཁོར་འདི་ལྟ
iiif viewer powered by OpenSeadragon
