| e-texts navigator |
| Wylie |
63b1 ཞེས།། ལྷ་སྲིན་འཁྲུག་ནས་ནང་འཐབ་ཅིང་།། སྟོབས་ཆེན་དྲིལ་བའི་ལས་སུ་བཤད།། སྡིག་པ་སྙིང་འཛིངས་འཁྲུལ་འཁོར་གསང་བའི་རྒྱུད་ལས། ཙིཏྟ་དཀྲུག་པའི་ལེའུ་སྟེ་དགུ་པའོ།། །། དེ་ནས་བཅོམ་ལྡན
63b2 འདས་ཀྱིས་ཕྱག་རྒྱ་ཆེན་པོ་བསྲུང་བའི་རིམ་པ་འདི་གསུངས་སོ།། ཨེ་ཉིད་སྟོང་པ་ཆོས་འབྱུང་ཞེས།། མ་སྐྱེས་འགག་པ་མེད་པ་ལས།། རྒྱུ་རྐྱེན་སྔགས་ལས་མ་བསྐྱེད་པར།། རོལ་པ་ཆེན་པོའི་སྐུ་རུ་གསལ།། དབུ
63b3 གསུམ་ཕྱག་དྲུག་ཞབས་བཞི་བགྲད།། གཡས་དཀར་གཡོན་དམར་དབུས་མཐིང་རྔམ།། རྡོ་རྗེ་འཁོར་ལོ་རལ་གྲི་གཡས།། བེ་ཅོན་གཏུན་ཤིང་སྡིགས་མཛུབ་གཡོན།། རིགས་ལྔའི་ཁྲོ་བོས་དབུ་ལ་བརྒྱན།། རང་གི
63b4 ཕྱག་རྒྱ་ཆེན་པོས་བརྗིད།། སྦྲུལ་དང་རིན་ཆེན་འབར་བ་དང་།། དྲེགས་པའི་མགོ་བཅད་ཕྲེང་བས་བརྒྱན།། ཀླུ་རིགས་དུ་མས་སྐུ་ལ་སྤྲས།། ཡུམ་ནི་དམིགས་མེད་ཆོས་ཀྱི་དབྱིངས།། མཐིང་ནག་ཙིཏྟ་བྷན་དམར
63b5 སྟོབ།། ཐུགས་ཀར་སྤུག་ནག་ཡ་མ་གནས།། མེ་ལོང་ཡེ་ཤེས་ངོ་བོ་ཉིད།། འཁོར་ལོ་དོན་སྙིང་ཕྱག་ན་བསྣམས།། ཡ་མའི་ཐུགས་ཀར་དྲེགས་པ་ཆེ།། མཉམ་ཉིད་ཡེ་ཤེས་ངོ་བོ་ཉིད།། ལྗང་ནག་རྡོ་རྗེ་སྙིང་ཕྲེང
63b6 འཛིན།། དྲེགས་པའི་ཐུགས་ཀར་ཁྱམས་ཁང་སྟེ།། བྱ་བ་ནན་ཏན་ཡེ་ཤེས་ཉིད།། འཇིགས་བྱེད་ཆེན་པོ་ཐུར་དུ་བལྟ།། དབུ་གཙུག་མཁའ་ལྡིང་གདུག་པ་འདུལ།། སོ་སོར་ཀུན་རྟོག་ཡེ་ཤེས་ཉིད།། དཀར་པོ
iiif viewer powered by OpenSeadragon
