| e-texts navigator |
| Wylie |
62b1 བའི་སྔགས།། ཕྱི་རིམ་རྒྱ་གྲམ་རལ་གྲིས་གཏམས།། ཡང་ལོགས་བཅུ་དྲུག་གསོད་དང་གནོན། ཁ་སྦྱར་མུ་སུའི་ཐོད་པར་བྲུབ།། ཞག་གསུམ་ཟང་བཅད་མལ་འོག་མནན།། སྟོབས་ཀྱི་ཕོ་ཉའི་རྦོད་གཏོང་འཆད།། ཚེ
62b2 བདག་ལས་ཀྱི་འཁྲུལ་འཁོར་ཡིན།། ཨེ་ཀ་ཧེ་དུན་ཡ་མ་སྙིང་ཁྲག་ར་མཱ་ཙ་ཡ། དགྲ་བོ་ཨ་མུ་ཀ་སྲོག་ལ་ཐུན་རྨུགས་རྦད་བྷྱོ། སྲོག་ལ་ཁཾ་ཤག་བྷྱོ། སྲོག་ལ་བྲེང་ཤག་བྷྱོ། སྲོག་ལ་ཡཾ་ཤག་བྷྱོ། དགྲ་བོའི་སྲོག་ལ་མཱ་ར
62b3 ཡ་རྦད། དགྲ་བོའི་སྲོག་སྟམྦྷ་ཡ་ནན། ལས་འདི་ཡང་སྙིང་གསང་བའི་བཅུད།། ཕོ་ཉ་ཟློག་པའི་ལས་སུ་བཤད།། ཅེས་གསུངས་སོ།། སྡིག་པ་སྙིང་འཛིངས་འཁྲུལ་འཁོར་གསང་བའི་རྒྱུད་ལས། གཞན་གྱི་རྐང
62b4 མགྱོགས་བཟློག་ཅིང་མནན་པའི་ལེའུ་སྟེ་བརྒྱད་པའོ།། །། དེ་ནས་ཡང་དེའི་ཚེ་དེའི་དུས་ན་བཅོམ་ལྡན་འདས་ཀྱིས་སྡིག་པ་སྙིང་འཛིངས་ལྷ་སྲིན་ཙིཏྟ་དཀྲུག་པ་འདི་གསུངས་སོ།། དུར་ཁྲོད་རས་ལ་དུག་ཁྲག
62b5 གིས།། སྙིང་གི་འཁོར་ལོ་བྲི་བར་བྱ།། རྩ་ཆེན་བཞི་ལ་དམར་ལེན་འབྲུ།། འབྲུ་བརྒྱད་རང་གནད་བསྣོལ་མར་གནས།། རྩ་བྲན་བརྒྱད་དང་སུལ་བརྒྱད་དུ།། ཙེཏྟ་དཀྲུག་པའི་སྤུ་གྲི་བྲི།། ཕྱི་རིམ་རྩིབས་ཆེན་བཅུ་དྲུག
62b6 བྲི།། ཕྱི་རིམ་མུ་ཁྱུད་གདུག་པ་ལྔ།། འཆི་བདག་ཤན་པའི་ལྟོ་བར་བྲི།། དེ་ལྟར་འཁོར་ལོ་ཁ་སྦྱར་བར།། དམིགས་པའི་ལིངྒ་བྲིས་ཏེ་གཞུག། ཞག་བདུན་བར་དུ་མ་ཡེངས་པར།། ཙིཥྛ་དཀྲུག་པའི་འཁོར་ལོ
iiif viewer powered by OpenSeadragon
