| e-texts navigator |
| Wylie |
58a1 མི་བསད་ཡུལ་བཀྱེས་ས།། དུར་ཁྲོད་རོ་ཡི་ས་དག་ལ།། རོ་བསྲེག་རྡོ་དང་སོལ་བ་དང་།། གྲི་ལྕགས་དཔའ་བོ་གཡུལ་བསད་ཁྲག། ར་དུག་རེའུ་ལྕག་ཨ་ཤོ་ནག། གྲོག་མཁར་ས་སྦྱིན་ཁྲོ་ཤུག
58a2 ནག། ཤོག་འདམ་མཆེ་ཆུ་སྒུར་ཏེ་བརྩེག། ནག་པོ་ཁྲུ་གང་བང་རིམ་བཞི།། ཡོངས་རྫོགས་སྟོབས་ཆེན་མི་འགྱུར་གནད།། གདན་ལ་རུས་སྦལ་གླང་ཆེན་འདེགས།། བར་ལ་རིགས་བཞི་སྦྲུལ་གྱིས་འདེགས།། བང་རིམ
58a3 བཞི་ལ་སྟག་དང་གཟིག། གསུམ་པ་སེང་གེ་ཆུ་སྲིན་ནོ།། འཁོར་ལོ་འབྲུག་གིས་འདེགས་པ་ལ།། ཆར་ཁེབས་མཁའ་ལྡིང་རོ་ཉེ་ཟ།། རང་རང་ཁ་དོག་ལྡན་པ་སྟེ།། མཁས་པས་བཀོད་པས་སྟོབས་ཆེན་གནད།། བང
58a4 རིམ་ཕྱོགས་ཀུན་དྲག་པོའི་སྒོ།། ཡོངས་སུ་རྫོགས་པའི་ལྟོ་རུ་བཅའ།། གྲི་མདའ་སྒྱུག་རྒོད་ཁྲག་ཚན་ལྡན།། སྲོག་ཤིང་ཟིལ་གནོན་སྐུ་རུ་ཤར།། བང་རིམ་དང་པོ་ཟུར་བཞི་ལ།། སྲིན་པོ་ཡ་མ་རཱ་ཙ་དང་།། གཤིན་རྗེ
58a5 མྱོས་བྱེད་འབར་བ་དང་།། བདུད་པོ་ཨཱརྱ་མ་རུ་ཙེ།། གནོད་སྦྱིན་རལ་པ་ཚར་དགུ་དགོད།། བང་རིམ་གཉིས་པར་སྲོག་གི་གཤེད།། དུང་ལྕགས་བསེ་དང་གསེར་གྱི་མོན།། གསུམ་པ་ཕྱི་ཡི་གཤེད་བཞིའོ།། ཐ་མར
58a6 འཆི་བདག་བཅུ་གཉིས་དགོད།། དཀར་པོ་སྙིང་འབྱིན་མགོན་པོ་ནག། ཡབ་རྗེ་ནག་པོ་སྐུ་མདོག་དམར།། དྲག་པོ་སྒོ་བཞི་དག་ལ་དགོད།། ལྷར་གསལ་སྟོང་གསུམ་ཟིལ་གནོན་སྒྲོལ།། སངས་རྒྱས་ཐུགས་རྗེ་སྟོབས
iiif viewer powered by OpenSeadragon
