| e-texts navigator |
| Wylie |
57b1 ཏེ། རོལ་པ་ཆེན་པོ་ལས་ཀྱི་དཀྱིལ་འཁོར་དུ་འཁོད་པར་གྱུར་ཏེ་བཞུགས་སོ།། དེའི་ཚེ་དེའི་དུས་ན། བཅོམ་ལྡན་འདས་ཀྱིས་འཁོར་རྣམས་འདི་སྐད་ཅེས་གསུངས་སོ།། སྣང་སྟོང་གཉིས་མེད་ཡེ་ཤེས་སྐུ།། ཐིག་ལེ
57b2 ཉག་གཅིག་སྤྲོས་དང་བྲལ།། སྐྱེ་མེད་རྣམ་དག་བདེ་ཆེན་སྐུ།། འགག་མེད་བདེ་ཆེན་ཀློང་གདལ་བའི།། བརྡ་དང་བྲལ་བའི་ཆོས་ཉིད་ལ།། ཆགས་དང་བྲལ་གྱིས་གྲུབ་པའོ།། ཞེན་ཆགས་བཟུང་འཛིན་རྟོག་དཔྱོད
57b3 འདས།། གཉིས་མེད་དོན་དམ་ཆོས་ཀྱི་སྐུ།། རྒྱུ་དང་རྐྱེན་ལས་སྒྲུབ་པ་མེད།། ཀུན་གྱི་རང་བཞིན་དངོས་མེད་པ།། ཡོན་ཏན་མ་ལུས་ཀུན་འབྱུང་བའི།། དེ་ཉིད་རྟོག་མེད་བརྗོད་དང་བྲལ།། དུག་ལྔ་ཡེ་ཤེས་ལྔ་ཡི
57b4 སྐུ།། ཕྱག་རྒྱ་ཆེན་པོ་ཡེ་ཤེས་ཉིད།། སྟོང་པ་ཆེན་པོའི་ངང་ཉིད་ལས།། རང་སྣང་རོལ་པའི་ཕྱག་རྒྱར་གསལ།། ལས་དང་སྦྱོར་བ་དུ་མ་ཀུན།། སྒྱུ་མ་ལྷུན་གྲུབ་རོལ་པར་བཤད།། འདི་དག་བདེ་དང་སྨིན་བྱེད
57b5 པའི།། རོལ་པ་ཆེན་པོའི་འཁོར་ལོ་ཡིན།། སྡིག་པ་སྙིང་འཛིངས་འཁྲུལ་འཁོར་ནག་པོའི་གསང་རྒྱུད་ལས། ལས་ཀྱི་འཁྲུལ་འཁོར་བཤད་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་རྡོ་རྗེ་འཆང
57b6 ཆེན་པོས། རང་གཤེད་རང་ལ་དབབ་པའི་ཕྱིར། སྡིག་པ་ནག་པོ་སྙིང་ལ་རུ་འཛིངས་པའི། འཁྲུལ་འཁོར་དཀྱིལ་འཁོར་ཆེན་པོའི་བཅའ་ཐབས་འདི་གསུངས་སོ།། སྟོབས་ཆེན་ནག་པོའི་རྫས་བཟློག་དག། ཕུང་ཤུལ
iiif viewer powered by OpenSeadragon
