| e-texts navigator |
| Wylie |
54b1 མ་ལུས་ཀྱི།། སྙིང་པོ་མཆོག་དང་དོན་ཟབ་པས།། རྒྱལ་བའི་དགོངས་པ་དྲིལ་བ་ཡིན།། ང་ཡི་སྦྱོར་བ་མེ་ལྕེ་འདི།། ཁྲོ་ཚོགས་གང་གི་སྟོབས་བསྡུས་ཡིན།། ང་ཡི་སྟོབས་ཀྱི་དྲག་སྔགས་འདི།། བགྲོད་པ་ཐོབ་པའི་གོ
54b2 མཚོན་མཆོག། ང་ཡི་གསང་བའི་སྒྲོན་མ་འདི།། མ་རིག་འཁར་བའི་བདེ་ལམ་ཡིན།། འདི་ལ་གནས་ཤིང་བསྒྲུབ་པ་དང་།། འདོད་པའི་དངོས་གྲུབ་ལེན་པ་དང་།། ཕྱག་རྒྱ་ཆེན་པོ་རབ་སྦྱོར་བ།། འབྲས་བུར་ངེས
54b3 པའི་ཐབས་སུ་བཤད།། མཉམ་པའི་རྒྱལ་པོར་རྒྱས་པར་བསྔགས།། གསང་བའི་བདག་པོར་ལེགས་གསུངས་པའི།། ཉེ་བར་གྱུར་པའི་རྒྱུད་འདི་ལ།། བགྲོད་པའི་སྟོབས་ཀྱིས་གང་ལེན་པ།། སངས་རྒྱས་ཀུན་གྱི
54b4 དགོངས་པ་འཛིན།། རྣལ་འབྱོར་བདེ་བའི་ལམ་ཅན་ལ།། ང་ཡང་དམ་ལས་མི་གཡེལ་བསྲུང་།། སངས་རྒྱས་ཀུན་གྱིས་བསྔགས་པ་ཡིན།། དོན་གཉིས་མངོན་དུ་སྤྱོད་པའི་ཕྱིར།། ཚད་མ་བཞི་ཡིས་རབ་བརྟགས
54b5 པའི།། དོན་གྱི་དགོངས་པ་འདུས་པ་འདི།། རྩོལ་དང་བསྒྲུབ་པའི་མཐའ་ལས་འདས།། འཕྲོ་འདུ་སྦྱོར་བའི་གཡང་ས་བཅད།། རྒྱུ་རྐྱེན་བགྲོད་པའི་སར་མ་ལྷུང་།། རྫས་དང་རྟགས་ལ་རྟེན་མི་འཆའ།། མཆོད
54b6 དང་ཐུགས་དམ་བསྐང་མི་དགོས།། ཐམས་ཅད་ངོ་བོ་མ་བཅོས་པ། ཁོ་ན་ཆོས་ཉིད་གཅིག་པ་ལས།། ལྷུན་གྲུབ་རང་བྱུང་ལོངས་སྤྱོད་སྐུ།། ལས་དང་སྦྱོར་བ་སྣ་ཚོགས་སྤྲུལ།། སྐུ་གསུང་མ་བཙལ་བགྲོད་ཐོབ་མེད།། དེ
iiif viewer powered by OpenSeadragon
