| e-texts navigator |
| Wylie |
48a1 ཀུན།། རང་རང་སོ་སོར་སྡེབ་ལ་དཀྲུག། བདེ་བྱེད་ཚངས་པའི་གནས་ལས་འཕང་།། རིག་པ་བདེ་བའི་ཀློང་དུ་བསྡུ།། ཡེ་ཤེས་ཉི་མའི་འོད་ལས་འཕྲོས།། གང་འགྲུབ་ལས་ཀྱི་ཕོ་ཉ་ལ།། མངག་པ་རྦད
48a2 པའི་མཐའ་རུ་འགྱུར།། དགྲ་བོའི་སྲོག་ལ་བྲུཾ་རི་ལི་ལི།། ཕོ་ཉ་བླ་དེད་བརྒྱ་བརྒྱ་མངག། དེ་ཡིས་ཐམས་ཅད་འཇོམས་ཤིང་འགུགས།། དྲག་པོ་སྔགས་ཀྱི་གསང་སྡེབ་ནི།། དང་པོ་ལུས་བསྲུང་རྩ་བ་སྟོང་།། དེ་འོག་ཁ
48a3 ཆིངས་གཟེར་བ་སྟོང་།། མཁའ་འགྲོ་ཁ་གཟན་དགྲ་ལ་འཕང་།། མཐའ་རུ་སྲོག་རྩ་གཟུངས་ཐག་གཅོད།། མནན་པ་གཟིར་དང་ཕུར་པ་གདབ།། དྲག་པོ་སྔགས་ཀྱི་སྤྱི་སྡེབ་ཡིན།། དོ་ར་ནང་གི་དྲག་པོ་ཡིན།། ལུས་ནི
48a4 གསང་ཞིང་ལྕི་བར་གནས།། མཚམས་སུ་སྙིང་པོ་བྷནྟ་མིང་།། གཟིར་བྱ་གང་དམིགས་གསལ་བར་བདོ།། མཐའ་རུ་སྤུ་གྲིས་གཟིར་ཞིང་གཅོད།། དྲག་ཅིང་འདྲིལ་ལ་འབར་བར་གདབ།། སྲུང་བ་ཀུན་ལ་ཤིས་པ
48a5 ཡིན།། ལུས་སྲོག་འབྱེད་པ་དྲག་པོའི་སྔགས།། ལུས་ཀྱིས་གསལ་ལ་དག་པར་བཟླས།། སྙིང་པོ་རུས་ཁམས་མིང་བཅས་པའི།། གཅད་པ་ལྔ་ཡིས་བརྡའ་སྦྱར་བ།། ལྕེ་ལ་དག་པ་ཡིད་ལ་གསལ།། ཡུལ་གྱི་རྣམ་པར
48a6 གསལ་བར་བརྟག། མིང་བསྡུ་མི་འགུག་རང་སར་གསལ།། གཅོད་བྱེད་སྤུ་གྲི་རྣོན་དཔལ་མཚོན།། གང་ཡང་རྣོ་མྱུར་ཚད་ལྡན་པས།། ཆེ་དྲིལ་དྲག་ལ་འཕར་ཞིང་འདྲིལ།། དེ་ཡིས་དཀར་ནག་རྟེན་ལ་བརྡེག། བསྲུང
iiif viewer powered by OpenSeadragon
