| e-texts navigator |
| Wylie |
46b1 སེམས་ཅན་ལོག་པའི་སྲོག་བཅད་ན།། སྒྲིབ་བྱང་ཚོགས་ལྡན་འབྲས་བུར་ལྷུན་གྱིས་གྲུབ།། སྤྱད་དུ་མེད་པའི་ཕྲིན་ལས་མ་ཤེས་ན།། དཔེ་ལ་མཚོན་བྱེད་རང་ཟོར་སྤྱོད་པ་དག། ལས་ཀྱི་རྣམ་སྨིན་མཉམ་པའི་བཙོན
46b2 ར་ཆུད།། རྩོལ་བ་བྱས་པས་རྟག་པའི་བདུད་ཀྱིས་ཟིན།། ཕྲིན་ལས་ལྷུན་གྲུབ་སྤྱད་དུ་མེད་ཤེས་ན།། ལྷ་སྲིན་ཀུན་གྱི་མིང་དང་མཚན་སྨོས་ནས།། ལས་ལ་མངགས་ཤིང་ཕོ་ཉ་ཀུན་བཀྱེ་ཡང་།། བླང་དོར་མེད་པས
46b3 འབྲས་བུ་སངས་རྒྱས་ཉིད།། མ་བཙལ་མ་བསྒྲུབ་རྫོགས་ཏེ་ཡེ་སངས་རྒྱས།། བསྙེན་བསྒྲུབ་རྩོལ་མེད་སྔགས་དོན་མ་ཤེས་ན།། ཕྱི་ནང་རྟགས་ལ་ཞེན་པས་བསྙེན་ཞིང་བསྒྲུབ་པ་ཡིས།། མི་དགེ་བསོག་ལ་རྩོལ་བའི
46b4 རང་བདུད་རང་ལ་འཁོར།། མནར་བའི་དམྱལ་བའི་གནས་ལ་ཐེ་ཚོམ་མེད།། བསྙེན་བསྒྲུབ་རྩོལ་མེད་སྔགས་ཀྱི་དོན་ཤེས་ན།། སྲིད་གསུམ་རྩོལ་འཕྲོ་འདུས་པའི་སྲོག་མདངས་ལ།། ལྷ་སྲིན་ཀུན་གྱི་སྲོག་སྙིང་དྲིལ
46b5 བའི་མཆོག། དྲག་པོ་ཨེ་དང་ཡན་ལག་སྦྱོར་བ་ནི།། རྡོ་རྗེའི་བཟླས་པ་ཡེ་ཤེས་རོལ་པར་ཤེས།། གང་མཐོང་ཅིར་སྤྱད་མཐའ་གཉིས་རང་སར་གྲོལ།། བསྒོམ་དུ་མེད་པའི་དོན་དང་མི་ལྡན་ན།། མཚན་མའི་ཁྲོ་བོ་གཞན
46b6 ནས་རྩོལ་བསྒོམ་པ།། མུ་སྟེགས་འཁྲུལ་པའི་སྤྱོད་ལམ་རྟག་པར་གོལ།། ཆོས་ཉིད་མི་དམིགས་སྟོང་པ་ནམ་མཁའ་ལས།། སྐྱེ་མེད་སྐྱེ་བའི་ཆོ་འཕྲུལ་དུ།། རང་རིག་ཕྱག་རྒྱ་ལྷུན་གྱིས་གྲུབ་པའི་སྐུ།། གཉིས་མེད་ཡེ
iiif viewer powered by OpenSeadragon
