| e-texts navigator |
| Wylie |
45b1 ལས་ངན་གཅོད་ཅིང་གཟིར།། གཡོན་གྱི་དང་པོ་བེ་ཅོན་བསྣམས།། དགྲ་བོ་མ་ལུས་མགོ་ལུས་འཇོམས།། བར་མ་ལྕགས་ཀྱུས་དགྲ་སྙིང་འབྱིན།། ཟ་མ་ཞགས་པས་དགྲ་བོ་འགུགས།། དགྲ་བོ་ལས་ངན་སྡིག་ཅན
45b2 རྣམས། ཁྱམས་ཁང་གནས་སུ་ཁྲིད་ལ་ཤོག། སྐྲ་ལ་ལྕགས་ཀྱི་ཚེམ་ཚེམ་གསོལ།། ཞིང་དང་ཐོད་པ་སྦྲུལ་གྱིས་བརྒྱན།། སྐུ་སྨད་སྟག་ལྤགས་ཞིང་ཆུང་བརྒྱན།། སྟོད་ནས་ང་རྒྱལ་མེ་ཆེན་འབར།། སྨད་ནས་འདོད
45b3 ཆགས་ཁྲག་ཏུ་འབྲུབ།། སྐེད་ན་ཞེ་སྡང་སྦྲུལ་གྱིས་བརྒྱན།། ཞལ་ནས་དུག་གི་རླངས་པ་འདོན།། ཤངས་ནས་ཕྲག་དོག་འཚུབས་མར་འཁྱིལ།། སྙན་ནས་སྟོང་གསུམ་འབྲུག་སྒྲ་སྒྲོགས།། ཐུགས་ལས་སྤྲུལ་པ་ཕྱོགས
45b4 བཅུར་འགྱེད།། ཕོ་ཉ་བྱེ་བས་དགྲ་བོ་འགུགས།། ཡང་སྦྲུལ་དགུ་ཁྲིས་སྲོག་དབུགས་འཕྲོག། ལས་ཀྱི་མཐའ་སྡུད་ཁྱོད་ཡིན་གྱིས།། དགྲ་བོ་དམ་ཉམས་སྡིག་ཅན་རྣམས།། ལག་ཏུ་གཏད་དོ་ཤོར་ར་རེ།། འདི་ནི་བཀའ
45b5 གཅོག་དམ་དྲལ་ཡིན།། འདི་ལ་སངས་རྒྱས་མི་གནས་ཀྱིས།། འདི་ལ་དམ་ཚིག་གཉེན་མི་གནས།། འདི་ལ་སྙིང་རྗེའི་གནས་མེད་ཀྱིས།། རྒྱ་མཚོ་ཆེན་པོའི་གཏིང་དུ་སྤོས།། ལྕགས་ཀྱི་རི་རབ་འོག་ཏུ་ནོན།། བྱེ་བ་དགུ
45b6 ཁྲི་དགྲ་ལ་བྷྱོ།། ལྕགས་མཁར་བཙོན་རར་དགྲ་བོ་ཆུག། དགྲ་བོའི་ཕོ་རྒྱུད་མོ་རྒྱུད་ཆོད།། བཅོལ་བའི་ལས་རྣམས་བསྒྲུབ་པར་མཛོད།། བྱེ་བ་དགུ་ཁྲིའི་སྦྱོར་བར་བཤད། དཔལ་ཚེ་བདག་གི་དགོངས་རྒྱུད་ནག་པོ
iiif viewer powered by OpenSeadragon
