| e-texts navigator |
| Wylie |
41b1 སྟེ།། གཡས་དཀར་གཡོན་དམར་དབུས་མཐིང་ལ།། མཆེ་བ་ཟངས་ཡག་མི་རོ་འབྲུལ།། སྤྱན་ནས་ཁྲག་འཛག་དུག་རླངས་ཤངས།། སྐུ་སྟོད་ཞིང་ལྤགས་ཐོད་པ་སྦྲུལ།། སྐུ་སྨད་རེ་ལྡེ་དྲིལ་བུ་ཁྲག། ཕྱག་གཡས་དགུ་ན
41b2 བསྣམས་པ་ནི།། མངོན་དུ་སྒྲོལ་བའི་སྙིང་སྦྲམ་འཛིན།། གཡོན་པ་དགུ་ན་ཐོད་ཟོར་བསྐྱོད།། སྟག་དང་སྦྲང་གི་བ་གླང་མོན།། གྲི་བོ་སྣོལ་མོ་ཁྱི་ནག་ཕག། འཐོམ་ནག་གཡས་ལ་དུག་ཁྲག་ཟོར།། ཞབས་བརྒྱད་དྲེགས
41b3 པའི་སྙིང་གར་བརྫིས།། འགྲོ་བ་སྒྲོལ་ཕྱིར་གར་སྟབས་འགྱིངས།། སྐྲ་དང་བ་སྤུ་མེ་རུ་འབར།། དེ་ལ་བཀའ་བསྒོ་བསྐུལ་ཞིང་མངག། འཁོར་ལོ་ཐོད་པར་ཐུན་ཕབ་ལ།། དང་པོ་ཐུན་དེ་རབ་གནས་བརླབ།། བརྒྱ་མཚོ
41b4 གཉིས་ཀྱིས་དབང་དུ་བསྡུ།། གསུམ་པས་ཐུན་གྱི་རྫས་ལ་བསྟིམ།། བཞི་པས་ཤ་ཟ་མཚོན་ཆར་བརླབ།། ལྔ་པས་བརླངས་འཕྲོ་ལྡེག་ཅིང་འཆོལ།། དྲུག་པས་བླ་དང་ཚེ་སྲོག་བསྡུ།། བདུན་པས་དཀར་ནག་མཚམས་སུ
41b5 བསྟིམ།། བརྒྱད་པས་སྲོག་གི་མེ་མར་བསད།། དགུ་པས་དྲངས་སྙིགས་རྒྱུད་ལས་དབྱེ།། དགུ་སྐོར་ཐུན་གྱིས་བརྣག་པ་ཡི།། ལས་གྲུབ་མཐའ་རུ་གནན་གཟིར་བྱ།། བྲག་དམར་སྲིན་མོའི་སྒྲོམ་དུ་མནན།། མནན་པའི
41b6 སྟེང་དུ་དམིགས་བྱ་ལ།། བསད་པའི་ཐུན་ཟོར་ཡང་ཡང་བརྡེག། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་རྡོ་རྗེ་ལས་དྲག་སྔགས་གབ་པ་འདི་བཏོན་ཏོ།། ཨེ་བཾ་རཾ་ཁཾ་ཤིག་ཙིཏྟ་རྔུབས་རྩ་ལ་བྲེང་ཛ། ཨེ
iiif viewer powered by OpenSeadragon
