| e-texts navigator |
| Wylie |
40b1 ལ།། འཁོར་ལོའི་གནས་སུ་འཁོར་ལོ་བསྟན།། དམ་ཚིག་འཁོར་ལོ་བསྟན་པར་གསུངས།། ལྷ་ཡི་འཁོར་ལོ་ལེགས་ཐོབ་ནས།། ཡེ་ཤེས་འཁོར་ལོས་དབང་བསྐུར་བྱ།། རིག་པའི་འཁོར་ལོས་ཐོག་ཏུ་དབབ།། ཤུགས
40b2 ཀྱིས་འཁོར་ལོས་འཕེན་ཞིང་འཇོམས།། འཁོར་ལོ་རང་གནས་སྦྱོར་བར་བཤད།། དཔལ་ཚེ་བདག་གིས་དགོངས་རྒྱུད་ནག་པོ་ལས། བསམ་གཏན་རང་རྒྱུད་ཀྱི་འཁོར་ལོ་བསྟན་པའི་ལེའུ་སྟེ་ཉི་ཤུ་གཅིག
40b3 པའོ།། །། དེ་ནས་ཡང་བཅོམ་ལྡན་འདས་ཀྱིས་སྲིན་མོ་ལྕགས་ཐག་མགོ་དགུ་མའི་སྦྱོར་བ་འདི་གསུངས་སོ།། ལྔ་བརྒྱ་དུས་ཀྱི་ཐ་མ་ལ།། རྒྱལ་བའི་བཀའ་ལས་འདས་པ་དང་།། མཚམས་མེད་ལྔ་ལ་སྤྱོད་པ
40b4 དང་།། དགོན་པའི་གནས་སུ་ཕྲ་མ་དང་།། དམ་ཆོས་དགེ་བཅུ་སྨོད་པ་དང་།། བདེན་པའི་དོན་བོར་ལོག་ལྟ་སྤྱོད།། དེ་ཚེ་སྔགས་ཀྱི་དམོད་པ་བོར།། དུར་ཁྲོད་ཤིན་ཏུ་དབེན་པ་རུ།། མཆོག་གསུམ་ཚང་བའི་གནས
40b5 བཙལ་ལ།། གདེང་གསུམ་སྔགས་ཀྱི་དམོད་པ་བཅའ།། དེ་ཡང་རྣམ་པ་གཉིས་ཡིན་ཏེ།། ལུས་སྲོག་དབྱེ་དང་ལོ་ཏོག་གཞོམ།། དང་པོའི་སྦྱོར་བ་འདི་ལྟ་སྟེ།། རྒྱ་ཤོག་དུར་ཁྲོད་རོ་རས་ལ།། སྨེ་བ་ལྔ་ཡི་ཐོད་བཅས
40b6 ལ།། ནི་རཾ་སུ་ཡིས་མདོག་བཏོན་ལ།། ཐིག་སྐོར་རིམ་པ་བཞི་རུ་བསྐོར།། དབུས་སུ་གྲུ་གསུམ་བརྣག་པའི་གཟུགས།། རུས་ཁམས་མིང་དང་སྙིང་པོ་བྲི།། ཟླ་གམ་དབང་སྡུད་བསྲུང་བའི་ལྷ།། ཕྱི་རིམ་རྒྱ་གྲམ་འཕེན
iiif viewer powered by OpenSeadragon
