| e-texts navigator |
| Wylie |
40a1 ལམ་ལས་དྲངས།། བསྒྲུབ་པར་བྱ་བའི་ལུས་སུ་བཟུང་།། འདོད་ཆགས་ཉིད་ན་ཡེ་ཤེས་ཏེ།། ཕྱག་རྒྱ་བསྟེན་པས་རང་གྲོལ་བའོ།། འཆི་མེད་ཚེ་ཡི་དབང་ཐོབ་བསྟན།། བསྐུལ་བ་གཅིག་གི་མན་ངག
40a2 ཡིན།། བདེ་བའི་རོ་ཡིས་གང་ཞིག་འབར།། ཡབ་ཡུམ་གཉིས་སུ་མཉམ་པར་གནས།། གནས་པ་བརྟན་པ་མན་ངག་ཡིན།། མཆོད་དང་རྡོ་རྗེའི་བཟླས་པ་ལ།། དབུགས་དང་ཚོར་བཞེན་ཆགས་བྲལ།། ཉམས་མྱོང
40a3 བརྟན་པའི་མན་ངག་ཡིན།། ཆོས་སྐུ་འགག་མེད་ལྷུན་གྱིས་གྲུབ།། ཡེ་ཤེས་ཆེན་པོའི་ཕྱག་རྒྱར་གསལ།། བྱ་བ་ཆེན་པོར་ཐམས་ཅད་རྫོགས།། འཆི་འཕོ་མེད་པར་ལྷུན་གྱིས་གྲུབ།། རྟེན་དང་མི་གནས་དྲང་པོར
40a4 གནས།། རྡོ་རྗེའི་སྐུ་རུ་དང་གསལ་བ།། སྐུ་ལ་མི་ཟད་རྒྱན་འཁོར་ལོ།། མི་གཡོ་མི་བསྐྱོད་ཆོས་ཉིད་རྒྱས།། འཁོར་འདས་སྣང་སྲིད་རང་གྲོལ་ཡིན།། འདི་ནི་བདེ་དང་སྨིན་པའི་ལས།། སྦྱོར་མེད་སྦྱོར་འདས་སྦྱོར་བའི
40a5 མཆོག། འདི་ལ་ཁྱེའུ་དང་བུ་མོ་ཞེས། ཁ་དོག་དབྱིབས་དང་མཚན་མ་རུ།། བརྟགས་ཤིང་ཞེན་པ་ཡོད་མ་ཡིན།། ཐིག་ལེ་གཅིག་གི་ངང་ལས་འདས།། མི་གཡོ་གཡོས་མེད་གཡོ་བ་མེད།། མ་སྦྱངས་སྦྱངས་མེད་ས་ཡི
40a6 མཆོག། ཟིལ་གྱིས་གནོན་པའི་ས་རུ་བསྟན།། སྲ་བྱེད་ས་ནི་རྡོ་རྗེའི་ས།། འགྱུར་བ་མེད་པར་ལྷུན་གྱིས་གྲུབ།། མ་བཙལ་བགྲོད་ཐོབ་མེད་པའི་ལམ།། བདེ་ལམ་འཇོག་པ་རྒྱན་ལྡན་ལམ།། རང་རྒྱུད་པ་ཡི་འཁོར་ལོ
iiif viewer powered by OpenSeadragon
