| e-texts navigator |
| Wylie |
348b1 བསྒྲུབ་གིང་གི་ཡིན་པར་བཤད།། འབྲུབ་ཁུང་དབང་གི་ཟླ་གམ་བཞི།། ཕུར་ཐུན་དམར་པོ་བསེ་ཁྲབ་ཅན།། གྲུ་གསུམ་ཟླ་གམ་དམར་པོ་དང་།། གྲུ་བཞི་སྒོ་རུ་ཆས་པ་ནི།། ཨེ་ཀ་ཛ་ཊི་ཧོམ་གྱི་ལས།། འཁོར་ལོ་རྩིབས
348b2 བཞི་གཤེད་པོ་བཞི།། རི་རབ་རྒྱ་མཚོའི་འོག་ཏུ་མནན།། དཀྱིལ་འཁོར་བཅས་པའི་ལེའུ་སྟེ་བཅུ་གཉིས་པའོ།། །། དེ་ནས་འཇམ་དབྱངས་ཁྲོ་བོ་ཡིས།། མཚན་ནི་ཡང་དག་བཤད་པ་ནི།། གདོད་ནས་མ་སྐྱེས
348b3 རྣམ་དག་སེམས་ཀྱི་དབྱིངས།། སྙིང་རྗེ་ཆེན་པོས་ཡོངས་ལ་ཁྱབ་མཛད་ཅིང་།། ཧཱུཾ་ང་ཉིད་རྗེས་སུ་དྲན་པས་ཁྲོ་བོའི་རྒྱུ།། དབང་ཆེན་བརྩེགས་པའི་གཞི་སྟེ་གཞལ་ཡས་ཁང་།། དེ་ནས་འཇིགས་བྱེད་ཁྲོ་བོའི་མཚན་ཉིད
348b4 ནི།། མཐིང་ནག་ཆར་སྤྲིན་ནག་པོའི་མདོག་འདྲ་བ།། རྣམ་ཐར་གསུམ་ལྡན་དབུ་ནི་རྣམ་པར་འཇིགས།། ཡེ་ཤེས་དྲུག་གི་ཕྱག་ན་བསྣམས་པ་ནི།། རྒྱུད་དྲུག་སྒྲོལ་བའི་ཕྱག་མཚན་རབ་ཏུ་འཇིགས།། དྲེགས་བྱེད་ཚར
348b5 གཅོད་གདུག་པ་འདུལ་བའི་ཕྱིར།། དུར་ཁྲོད་འབར་བའི་ཆས་ཀྱིས་རབ་ཏུ་བརྒྱན།། མེ་རི་སྤུག་ནག་འབར་བའི་དཔལ་དུ་བཅས།། གཡོན་ན་ཁྲོ་མོ་ཁྲོ་གཉེར་མ་གནས་པ།། ཁྲོ་གཉེར་འཇིགས་པའི་ཁ་ཡང
348b6 གདངས།། གྱེན་དུ་སྒྲ་བརྫེས་གསུས་པོ་ཆེ།། ཏྲི་ཤཱུལ་རྩེ་གསུམ་ཐོད་པ་ཁྱེར།། གཏུམ་མོ་དུག་ཧྲུལ་གོས་གྱོན་མ།། ལུས་ལ་མེ་ལྕེའི་ཕྲེང་བས་བརྒྱན།། གཡས་ན་ཁྲོ་མོ་གནས་པ་ནི།། སྨུག་ནག་ལན་བུ་གྱེན་དུ
iiif viewer powered by OpenSeadragon
