| e-texts navigator |
| Wylie |
345b1 པའི་སེམས་ཀྱིས་བཟླས།། ཁ་ལ་ཐོར་པ་བྱུང་བ་དང་།། སྙིང་ལ་ཤ་ཁྲག་འདོད་པ་དང་།། མི་དག་འཕྱ་སངས་ཁྱེར་བ་དག། སྔགས་རྣམས་གྲུབ་པའི་རྟགས་ཡིན་པས།། བསྐང་གསོ་བྱ་ཞིང་ཏིང་འཛིན་བསར།། སོ་སོའི
345b2 མཚན་ཉིད་ཤེས་པར་བྱ།། གྲུབ་པའི་མཚན་མ་བསྟན་པའི་ལེའུ་སྟེ་དྲུག་པའོ།། །། བསྙེན་པའི་དུས་སུ་བྱ་བ་ནི།། ཁྲོ་བོ་ཆེན་པོ་ཉིད་ཀྱིས་གསུངས།། ཞེས་པས་སྤྲུལ་པའི་ཁྲོ་བོ་དེ་ཉིད་མི་སྣང་བར་བྱས་ནས། སྐད
345b3 ཅིག་མ་དེ་ཉིད་ལ་ཤིན་ཏུ་འཇིགས་པར་བྱེད་པའི་ཡེ་ཤེས་ཀྱི་ཁྲོ་བོ་བྱུང་ནས། ཤིན་ཏུ་འཇིགས་པའི་རྒྱན་དང་ལྡན།། གདུག་པའི་མཚོན་ཆ་དཔལ་དང་ཆས།། བཅུ་བདུན་ཡི་གེ་སྔགས་ཀྱི་ཚིག། དྲག་ཏུ་ཟློས་ཤིང་གཟི
345b4 བྱིན་ལྡན།། འཁོར་རྣམས་རབ་ཏུ་འཇིགས་ཤིང་སྐྲག། ཁྲོ་བོ་ཆེན་པོའི་གཟི་བྱིན་གྱིས།། འཁོར་རྣམས་རབ་ཏུ་སྐྲག་ནས་ནི།། བྲེད་ཤ་འཐོན་ནས་རབ་ཏུ་སྨྲས།། དཔའ་བོ་ཆེན་པོ་སྐྱབས་སུ་མཆི།། འཇིགས་བྱེད་ཆེན་པོ
345b5 སྐྱབས་སུ་མཆི།། ཁྲོ་བོ་ཆེན་པོས་བཀའ་སྩོལ་ཅིག། བདག་ཅག་རྣམས་ནི་བཀའ་བཞིན་བགྱིད།། ཡེ་ཤེས་ལྷ་ནི་ཇི་ལྟར་བསྒྲུབ།། བསྙེན་པའི་གྲངས་ནི་ཇི་ལྟར་དབུལ།། ཞེས་གསོལ་པས། ཁྲོ་བོའི་རྒྱལ་པོས་བཀའ
345b6 སྩལ་པ།། ཉོན་མོངས་སྒྲོལ་གི་ང་རྒྱལ་པོ་ཁྱོད།། འཁོར་ན་གནས་པའི་དྲེགས་པ་ཅན།། དཀོན་མཆོག་གསུམ་ལ་སྐྱབས་སུ་གསོལ།། དཀོན་མཆོག་གསུམ་གྱི་བཀའ་འདི་སྲུངས།། འགལ་བྱེད་ཆམ་ལ་དབབ་པའི
iiif viewer powered by OpenSeadragon
