| e-texts navigator |
| Wylie |
344b1 རིགས་མང་པོ་དང་། ཨེ་ཀ་ཛ་ཊཱི་དང་། ནག་མོ་རལ་པ་ཅན་གཡོག་དང་བཅས་པ་དང་། དམར་མོ་བསེ་ཁྲབ་ཅན་བཞི་གཡོག་དང་བཅས་པ་དང་། སྨུག་ནག་འབུམ་གྱི་གཙོ་མོ་དང་། ནག་མོ་ཁྲག་འཛག་མ་ལ་སོགས
344b2 ཏེ། མ་མོའི་རིགས་མང་པོས་བསྐོར་ཏེ་གནས་སོ།། འཁོར་ཡོངས་སུ་བསྡུ་བའི་ལེའུ་སྟེ་གཉིས་པའོ།། །། དེ་ནས་སྒྲོལ་གིང་མ་རུ་ཙེས་ཁྲོ་བོའི་རྒྱལ་པོ་ཉིད་ལ་ཞུས་པ། བསྒྲུབ་པའི་གནས་དག་གང་དུ་བྱ།། ས་གཞི
344b3 གཟུང་ན་ཇི་ལྟར་གཟུང་།། བསྙེན་པའི་དུས་སུ་ཇི་ལྟར་བྱ། ལས་ལ་གཟུང་ན་ཇི་ལྟར་བྱ།། གནོད་སྦྱིན་མ་མོ་གིང་རྣམས་དང་།། མཐུན་པའི་དམ་རྫས་ཇི་ལྟར་བསོག། ལས་ཀྱི་མཐའ་སྡུད་ཇི་ལྟར་བྱ།། ཞེས་སྨྲས
344b4 སོ།། དམ་ཚིག་གི་མདོ་སྡུད་ཀྱི་ལེའུ་སྟེ་གསུམ་པའོ།། །། སྒྲོལ་བྱེད་ཉིད་ཀྱིས་ཞུས་པའི་མདོ།། དཔའ་བོ་ཆེན་པོས་བཀའ་སྩལ་པ།། དེ་བཞིན་བདག་གིས་སྩལ་པ་ནི།། གནོད་སྦྱིན་སྒྲུབ་པའི་གནས་དག་ནི།། རི
344b5 ངོགས་ཤིན་ཏུ་ཟབ་པ་ལ།། བྲག་ཕུག་སྟོང་པ་རོལ་ཁུང་ཡོད།། ཡང་ན་རྒྱ་མཚོ་ཆེན་པོའི་འགྲམ།། བྲག་དམར་སེང་གེ་མཆོངས་པ་འདྲ།། གནོད་སྦྱིན་བསྒྲུབ་པའི་གནས་སུ་ཤིས།། དུར་ཁྲོད་རབ་ཏུ་འཇིགས་པ
344b6 དང་།། ནགས་འདབས་ས་ཕུག་སྟོང་པ་རུ།། མ་མོ་བསྒྲུབ་པའི་གནས་སུ་ཤིས།། ལྷ་ཁང་ཀུན་དགའ་ར་བ་དང་།། མཆོད་རྟེན་གཙུག་ལག་ཁང་དག་ཏུ།། གིང་གི་གནས་དག་ཡིན་པར་བཤད།། རྐང་གཅིག་ཤིང་དང
iiif viewer powered by OpenSeadragon
