| e-texts navigator |
| Wylie |
344a1 ཁམ་ནག་གྱེན་དུ་འཁྱིལ་བ། དུར་ཁྲོད་ཀྱི་རྒྱན་རྣམ་པ་སྣ་ཚོགས་པས་བརྒྱན་པ། མེའི་འཁོར་ལོ་གཡས་རླུང་གི་པདྨ་གཡོན། ཞལ་གཅིག་ཕྱག་དང་ཞབས་གཉིས་དང་ལྡན་པ་གཅིག་ཏུ་བྱུང་ངོ་།། དེས་ཏེ
344a2 དྱ་ཐཱ་ཧྲི་ད་ཡ་ན་ཧཱུཾ་ཞེས་བརྗོད་པས་གནོད་སྦྱིན་གྱི་རྒྱལ་པོ་དེ་གམ་དུ་ནལ་གྱིས་བྱུང་ངོ་།། དེ་ནས་ཨོཾ་ཤྲཱི་མཉྫུ་ཡ་མ་རཱ་ཛ་མ་མ། ཨེ་ཀ་ཛ་ཏི་ནརྀ་ཛ་ཛ་ཞེས་བརྗོད་པས། ཤིན་ཏུ་ཡང་འཇིགས་པའི་ང་རོས་ཁས་བླངས་པ་ནི།།
344a3 འཇིགས་བྱེད་ཁྲོ་རྒྱལ་སྲས་དང་བཅས་པ་རྣམས་ཀྱི་བཀའ་བཞིན་བགྱིད་དོ་ཞེས་གསོལ་པ་དང་། ཁྲོ་བོའི་རྒྱལ་པོ་ཉིད་ཀྱིས་བཀའ་སྩལ་པ། སྒྲོལ་བྱེད་ཆེན་པོ་ཁྱོད་ཀྱི་འཁོར་གྱི་མཚན་ཉིད་སྟོན་ཅིག་ཅེས་པ་དང་།
344a4 གནོད་སྦྱིན་གྱི་རྒྱལ་པོ་ཉིད་ཀྱིས། འཁོར་ཡོངས་སུ་བསྡུ་བ་མཛད་པ་ནི། བདུད་ནག་རང་རྟགས་ཤ་ཞུ་ཅན་དང་། རེ་ལྡེ་འགོང་ཡག་དང་། རལ་པ་སྤྱི་བཅིངས་དང་། བདུད་ནག་པོ་འཛུམ་མེད་དང་། ནག་པོ་བཀྲག
344a5 མེད་དང་། ག་ལེ་རྒྱས་ལ་སོགས་པ་བདུད་རིས་མང་པོ་དང་། ལྕགས་མཆུ་སྔོན་པོ་དང་། ཤ་ཀ་ལི་ནག་པོ་དང་། ལྕགས་ཐོ་ནག་པོ་ལ་སོགས་པ་གནོད་སྦྱིན་རིགས་མང་པོ་དང་། པྲ་མ་རཱ་ཛ་དང་། ཤེལ་གིང་དཀར་པོ
344a6 དང་། ཟངས་ཤུན་ཅན་དང་། བསེ་ཁྲབ་ཅན་དང་། གསེར་གྱི་ཀློག་པ་ཅན་ལ་སོགས་པ་གིང་གི་ཚོགས་མང་པོ་དང་། ཡ་མ་རཱ་ཛ་དང་ལས་ཀྱི་གཤིན་རྗེ་དང་། ཕྱོགས་སྐྱོང་གི་གཤིན་རྗེ་ལ་སོགས་པ། གཤིན་རྗེའི
iiif viewer powered by OpenSeadragon
