| e-texts navigator |
| Wylie |
343a1 པའོ།། །། དེ་ནས་འཇམ་དཔལ་མ་རུ་ཙེ་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། མ་མོ་བསམ་གྱིས་མི་ཁྱབ་པ་རྣམས་ཀྱིས། འདི་སྐད་ཅེས་གསོལ་ཏོ།། ཨེ་མ
343a2 མཚར་ཤིན་ཏུ་ཡང་ངོ་མཚར། དེ་ལྟར་བསྟན་པ་ཤིན་ཏུ་ཡང་ངོ་མཚར་ཏེ། གསང་བའི་བདག་པོས་གསུངས་པར་བཀའ་ཉན། དཀོན་མཆོག་གསུམ་གྱི་བསྟན་པ་ཡང་ཤིན་ཏུ་བསྲུང་སྟེ། དབུ་འཕང་ཡང་ཤིན་ཏུ
343a3 བསྟོད། ཅེས་དམ་བཅས་ནས། དཔལ་ཕྱག་ན་རྡོ་རྗེས་གསུངས་པ་ལ་མངོན་པར་རྗེས་སུ་ཡི་རང་སྟེ་ཤིན་ཏུ་བསྟོད་དོ།། ཨེ་མ་ཤིན་ཏུ་གསང་བའི་བདག། མཐུ་དང་གཟི་བརྗིད་རབ་ཏུ་ཆེ།། སྟོང་གསུམ་འཁོར་བའི
343a4 གདུག་རྩུབ་ཅན།། ཁྱོད་ཀྱི་བཀའ་ཡི་ཕྲིན་ལས་པ།། ཁྱོད་དང་ཆོས་སྐུ་ཁྱད་པར་གཅིག། གསང་བ་པོ་ལ་ཕྱག་འཚལ་འདུད།། ཅེས་གསང་ཚིག་ལ་ཡི་གེར་བརྟེན་ནས་གསུངས་པའོ།། དེ་ནས་ལྷ་དང་ཀླུ་ཀུན་གྱིས།།
343a5 འཇམ་དཔལ་མ་རུ་ཙེ་ལ་སྐུ་སྟོད་དུར་ཁྲོད་ཀྱི་ཆས་བརྒྱད་ལ་སོགས་པས་ནི་བརྒྱན། ཕྱག་ཆ་རྒྱན་དང་ནི་ལྡན། བདུད་དང་གནོད་སྦྱིན་དང་སྲིན་པོ་དང་སྲིན་མོ་བཏུལ་བ་དེ་ལ་བསྟོད་པ། དཔལ་ལྡན་དབང་ཕྱུག
343a6 འཇིག་རྟེན་སྐྱོང་བའི་གཙོ། ཞེས་པས་བསྟོད་དོ།། འཇམ་དཔལ་མ་རུ་ཙེའི་སྔགས་རྒྱུད་ལས། འཁོར་རྣམས་རྗེས་སུ་ཡི་རངས་ནས་བསྟོད་པའི་ལེའུ་སྟེ་བཅུ་བདུན་པའོ།། །། འཇམ་དཔལ་མ་རུ་ཙེའི་སྔགས
iiif viewer powered by OpenSeadragon
