| e-texts navigator |
| Wylie |
342a1 སྔགས་ནི་གནན་པ་དང་།། ལས་སྔགས་གཤམ་བཏགས་རབ་ཏུ་བཟླས།། དེ་ལ་སོགས་པའི་སྔགས་རྣམས་ནི།། གོ་རིམ་དང་ཡང་རབ་ཏུ་སྦྱར།། འགྲོ་ཉལ་འདུག་སྡོད་གང་དུ་ཡང་།། བསྙེན་པ་རྒྱུན་དུ
342a2 བཟླས་པར་བྱའོ།། བསྒྲུབ་པའི་དྲག་སྔགས་བཅུ་ཚོ་ནི།། དབེན་པར་བསྟུད་ལ་རབ་ཏུ་བཟླས།། ཕྱི་མ་དྲག་པོའི་སྔགས་རྣམས་ནི།། སྡང་བས་བརྙས་ལ་བཟླས་པར་བྱ།། རུང་རུང་ཐོར་ཐོར་བཟླས་མི་བྱ།། དྲག་པོར་མ
342a3 ཡིན་བུལ་མ་ཡིན།། གཞན་གྱིས་བར་དུ་ཆོད་པ་མིན།། དེ་བཟླས་ཉམས་པའི་རྒྱུ་རུ་འགྱུར།། རུང་རུང་ཐོར་ཐོར་བཟླས་བྱེད་པ།། ཕྱག་ན་རྡོ་རྗེ་ངས་མ་བཤད།། སྦྱོར་བའི་སྔགས་ཚན་ལྔ་པོ་ནི། དྲག་པོ་བྱེད་ན་བཟླས
342a4 པར་བྱ། འཇམ་དཔལ་མ་རུ་ཙེའི་སྔགས་རྒྱུད་ལས། བཟླས་པའི་སྔགས་ཚད་ཀྱི་ལེའུ་སྟེ་བཅུ་བཞི་པའོ།། །། ཀྱེ་ཀྱེ་གསང་བའི་ཕྲིན་ལས་བདག། དྲག་པོ་བསྒྲུབ་པ་ཇི་ལྟར་སྦྱར།། ཞེས་གསོལ་པ་དང་། ཕྲིན་ལས
342a5 དྲག་པོ་གསང་བར་བྱོས།། གཟས་པ་དགུག་ཅིང་དམིགས་པའི་རྒྱུ།། ཙ་ར་དག་བཅའ་གཞི་དག་ལ།། གཟས་པའི་ལིངྒ་དེ་ལ་བསྟིམ།། དུག་དང་སྒྲོ་དང་ཕུར་པས་གདབ།། ལྷ་ལྔ་དག་དང་དཔྲལ་བར་བྱེད།། དེ་ཡི་ཕྱི་དེ
342a6 ནུབ་མོ་ནི།། ཙ་ར་དགྲ་བཟློག་གཟབ་པར་བྱ།། ར་དང་གཡང་གཞི་མགོ་མི་དབྲལ།། ཙིཏྟའི་ནང་དུ་ལིངྒ་གཞུག། གཡང་གཞིའི་ནང་དུ་བཞག་ནས་ཀྱང་།། རང་སྔགས་ཤམ་བུས་བསྔག་ཅིང་བརྡེག། ཕུར་པ་བཞེངས
iiif viewer powered by OpenSeadragon
