| e-texts navigator |
| Wylie |
33b1 གདོན།། སྲུང་བ་ཀུན་གྱི་མཆོག་ཏུ་བཤད།། དཔལ་ཚེ་བདག་གི་དགོངས་རྒྱུད་ནག་པོ་ལས། བསྲུང་བ་ཁྱད་པར་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་བཅོམ་ལྡན་འདས་ཀྱིས་སྲོག་དམར་ལེན་གྱི
33b2 སྦྱོར་བ་རང་གཤེད་རང་ལ་དབབ་པའི་སྦྱོར་བ་འདི་གསུངས་སོ།། དུས་གསུམ་མཆོག་གསུམ་བདེ་གནས་སུ།། རང་ཉམས་བརྟན་པའི་མཚམས་བཅད་ལ།། ཡེ་ཤེས་རིག་པའི་བདེ་ཀློང་ནས།། མཁའ་ལྔ་ཁྱབ་པའི
33b3 འཁོར་བསྡུས་ལ།། གཟུང་འཛིན་ཆོས་ཉིད་དབྱིངས་སུ་བསྒྲལ།། སྟོབ་ཆེན་གཞན་སོགས་གཟན་ལ་དབབ།། རང་རྒྱུད་ཡི་གེ་གཤེད་མར་བླངས།། བདུད་དང་ཕན་བྱེད་རང་རྩལ་བར།། བདེ་བའི་ཐིག་ལེ་དང
33b4 ལས་ཤར།། ཤུགས་ཀྱི་རིན་ཆེན་འཕེལ་འགྲིབ་མེད།། གྲུ་གསུམ་རྐྱེན་གཉིས་ཆ་བསྙམས་ལ།། མུ་ཁྱུད་རིམ་པ་བཞི་རུ་བསྐོར།། དབུས་ཀྱི་ཕོ་བྲང་རྒྱ་ཆེན་པོར།། སྤྱི་གཙུག་ཙོག་པུ་སྐྱིལ་ཀྲུང་དུ།། དམིགས་པ་ནག་པོའི
33b5 སྙིང་པོ་བྲི།། ཕྱི་རིམ་རྒྱ་གྲམ་རྩ་བའི་སྔགས།། ཡང་ལོགས་མུ་ཁྱུད་གཡེང་དང་སྐེམ།། རང་གཞན་གང་འགྲུབ་བསད་པའི་སྔགས།། ཕྱི་ནང་མགོ་བསྟན་མིང་རུས་སར།། ལྟོ་སྦྱར་རང་གཤེད་གཟན་ལ་དབབ།། མཐའ
33b6 མ་མཚོན་ཆའི་རྩིབས་བཅུ་བཞི།། རྩེ་མོ་ནང་བསྟན་བསད་པའི་སྔགས།། སྤུ་གྲི་རང་བཅས་གསུམ་གཉིས་འཕོ།། སྐབས་དང་སྦྱོར་ལ་རྩ་བ་བརྩམ།། མཚོན་ཆ་ཁ་སྦྱོར་དུག་ཆུ་ཁྲག། ཚ་བ་གསུམ་དུ་ལྡན་བྱས
iiif viewer powered by OpenSeadragon
