| e-texts navigator |
| Wylie |
326a1 རྩ་བའི་སྔགས་དང་མེ་སྔགས་སྤེལ།། རབ་འབྲིང་གསུམ་གྱིས་སྦྱིན་བསྲེག་བྱ།། རཾ་ལས་མེ་ལྷ་ཇི་ལྟ་བར།། དེ་ལ་ཡེ་ཤེས་མེ་ལྷ་བསྟིམ།། མཆོད་ཅིང་བསྟོད་ལ་ཕྲིན་ལས་བཅོལ།། དེ་ནས་གཤིན་རྗེའི
326a2 མཎྜལ་ལྷ།། རིམ་པས་མཆོད་ཅིང་སྦྱིན་བསྲེག་དབུལ།། བརྩོན་པས་ཡང་ནས་ཡང་སྦྱོར་བྱ།། མཆོད་ལྔ་དབུལ་བའི་མེ་སྔགས་ནི།། དྲག་ཏུ་དྲག་ཏུ་བཟླས་པ་བྱ།། མེ་པྲ་རྟགས་ཀྱི་མཚན་མ་ཡི།། གཟུགས་དང་ཁ་དོག
326a3 སྒྲ་དང་དྲི།། དུད་པ་ཚ་ཚ་བརྟག་པར་བྱ།། པྲ་རྟགས་ངན་ན་རབ་ཏུ་སྤོགས།། དེས་ནི་སྦྱིན་བསྲེག་ལས་སུ་འགྱུར།། འཇམ་དཔལ་མ་རུ་ཙེའི་སྔགས་རྒྱུད་ཕྱི་མ་ལས། མཆོད་པ་དང་སྦྱིན་བསྲེག་བསྟན་པའི་ལེའུ་སྟེ་ལྔ
326a4 པའོ།། །། དེ་ནས་ཀླུའི་རྒྱལ་པོས་འདི་སྐད་ཅེས་ཞུས་སོ།། མཉམ་ཉིད་མཐུ་མངའ་གཏུམ་ཆེན་འབར་བའི་སྐུ།། དུག་གསུམ་ཟ་བྱེད་བསྐལ་པའི་མེ་ལྟར་འབར།། མ་རུངས་འཇོམས་མཛད་ཁྲོ་བོ་བགེགས་ཀྱི
326a5 རྗེ།། མཐར་བྱེད་གཞོན་ནུ་ཁྱོད་ལ་ཕྱག་འཚལ་བསྟོད།། འཇམ་དཔལ་གཤིན་རྗེ་གཤེད་པ་ཡི།། སྐུ་གསུང་ཐུགས་དང་ཕྲིན་ལས་ལས།། སྤྲུལ་པའི་ཕོ་ཉ་མ་རུ་ཙེ།། ཀུ་མ་རཱ་ཛ་སྒྲོལ་བའི་གིང་།། ད་ཤ་གྷི་བ་བདུད་ཀྱི
326a6 གིང་།། ཡ་མ་རཱ་ཛ་གནོད་སྤྲིན་གིང་།། ཁམས་གསུམ་སྒྲོལ་གིང་ཆེན་པོ་བཞི།། སྤུ་གྲི་དབྱུག་ཐོ་རལ་གྲི་དང་།། ཞགས་པ་ཐོགས་པའི་དམག་དཔོན་བཞི།། འཁོར་གྱི་གིང་བྲན་མང་བས་བསྐོར།། ལས་བྱེད་ཆེན་པོ་བཞི
iiif viewer powered by OpenSeadragon
