| e-texts navigator |
| Wylie |
325b1 ལ།། ལུང་དང་མཐུན་པའི་གནས་སུ་གནན།། ཐེངས་གསུམ་སྤོགས་པས་མ་གྲུབ་ན།། གཤིན་རྗེ་ཉིད་ཀྱང་བརླག་པར་འགྱུར།། ཁྲག་དང་སོལ་བ་སྦྱར་བ་ཡི།། གཏོར་མ་དགོང་བཏང་ལས་གཉེར་གཏད།། འཇམ
325b2 དཔལ་མ་རུ་ཙེའི་སྔགས་རྒྱུད་ཕྱི་མ་ལས། ཕྱག་འཚལ་བ་དང་སྲོག་བསྒྲུབ་བསྟན་པའི་ལེའུ་སྟེ་བཞི་པའོ།། །། དེ་ནས་དྲང་སྲོང་གི་རྒྱལ་པོ་མེ་ལྷས་ཞུས་པ། ཨེ་མ་ཧོ་ཡང་དག་དཔའ་བོ་ཆེ།། ཉོན་མོངས་རུ་དྲ
325b3 བསྒྲལ་བའི་ཕྱིར།། མཱཾ་ས་རཀྟ་རུས་པའི་ཚོགས།། དུག་གསུམ་རྣམ་དག་མཆོད་པར་བཞེས།། དཔའ་བོ་སྒྲོལ་གིང་མ་རུ་ཙེ།། དམ་ཉམས་རྡུལ་དུ་བརླག་པའི་ཕྱིར།། ཤ་ཁྲག་སྙིང་གི་མཆོད་པ་བཞེས།། དུག་ལྔ་རྩད
325b4 གཅོད་མཆོད་པར་བཞེས།། སྦྱིན་བསྲེག་མཐུན་པའི་ལས་འཚལ་ཕྱིར།། བདག་གིས་དགའ་བར་སྨྲས་པ་ལ།། ཡང་དག་དཔའ་བོས་བྱིན་རླབས་མཛོད།། ཅེས་ཞུས་པས།། དེ་ནས་དཔའ་བོས་བཀའ་སྩལ་པ། ཨོཾ་མཉྫུ
325b5 ཤྲཱི་ཀུ་མཱ་ར་ཁཱ་ཧི། ཨ་ནུ་རུ་པ་ཁཱ་ཧི། སུ་རུ་པ་ན་ཁཱ་ཧི། ཀུ་མ་མ་ར་ཙནྡྲ་ཁཱ་ཧི། ཏ་ཀུ་པ་ར་མ་ཏ་ཁཱ་ཧི། ཁྱེད་ཀྱི་ལས་ནི་ང་ཡིས་བཤད།། ཧོམ་ཁུང་གྲུ་གསུམ་གཏིང་དུ་རཾ།། དུར་ཁྲོད་གདུག་པའི་མེ་སྦར་ལ།། སེང་ལྡིང
325b6 ཤིང་ལ་ཡམ་ཤིང་བྱ།། དུག་དང་སྐེ་ཚེ་ར་ཁྲག་གིས།། སྦྲུལ་གྱི་པགས་པ་དག་ལ་ནི།། གཟུགས་དང་མིང་རུས་བྲིས་ལ་བསྲེག། གསང་སྔགས་འདི་ཡིས་སྦྱིན་བསྲེག་དབུལ།། སརྦ་ཤ་ཏྲུཾ། ད་ཧ་ད་ཧ། པ་ཙ་པ་ཙ་ཧཱུཾ་ཕཊ།
iiif viewer powered by OpenSeadragon
