| e-texts navigator |
| Wylie |
323a1 བརྗོད།། ཀུན་ཀྱང་དམར་པོ་སྐུ་ཆེ་བ།། ཞལ་གཅིག་ཕྱག་གཉིས་གཏུམ་བག་ཅན།། གཙོ་ལ་བཀའ་ཉན་སྒྲོལ་བའི་གིང་།། རྒྱན་རྣམས་སོ་སོར་གསལ་བར་བསྒོམ།། དེ་ལ་དབང་བསྐུར་བྱིན་གྱིས
323a2 རློབས།། གསང་སྔགས་འདི་ཡིས་རབ་ཏུ་བྱ།། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ། ཛ་ལ་ཛ་ལ་ཀཱ་ཡ་ཧཱུཾ་ཕཊ། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་བཱག་ཤ་ཡ་ཧ་ན་ཧ་ན་ཧཱུཾ་ཕཊ། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ། ཙིཏྟ་པན་ཙྪིནྣ་ཙྪིནྟ་ཧཱུཾ་ཕཊ། དེ
323a3 ལྟར་ཏིང་འཛིན་གསལ་རྫོགས་ནས།། དམར་པོའི་འཁོར་ལོ་བཅའ་བ་ནི།། དུར་ཁྲོད་རོ་རས་ཁ་ཚོན་ལ།། ཁྲག་ཆེན་དུག་དང་ཐལ་ཆེན་གྱིས།། མདོག་བསྒྱུར་ཕུར་བཞིར་བརྒྱངས་ཏེ་བསྐམ།། རོ་སོལ་དུག་དང་ཐལ
323a4 ཆེན་གསུམ།། དེ་དག་སྦྱར་བའི་སྣག་ཚས་བྲིས།། དེ་ནས་འཁོར་ལོ་བྲི་བ་ནི།། འཁོར་ལོ་རྩིབས་བརྒྱད་ལྟེ་བ་ནས།། ཤར་ནུབ་འཁོར་ལོ་རྩིབས་བཅུར་བྲི།། དེ་ནས་གསང་སྔགས་དགོད་པ་ནི།། མ་དང་ཙ་དང་པ་དང
323a5 ཡ།། ཕྱོགས་བཞིར་འཁོར་ལོ་བཞི་ལ་བྲི།། རུ་དང་ཏེ་དང་ཏ་དང་ཧཱུཾ།། མཚམས་ཀྱི་འཁོར་ལོ་བཞི་ལ་བྲི།། ཨོཾ་དང་ཕཊ་ནི་ཤར་ནུབ་བོ།། བསྒྲུབ་བྱའི་མིང་རུས་དབུས་སུ་བྲི།། གནོད་སྦྱིན་ཕྱོགས་ནས་བརྩམ་པར
323a6 བྱ།། འཁོར་ལོའི་རྩིབས་ནི་བཅུ་དག་ལ།། ཉི་མའི་མཎྜལ་བཅུ་གཞག་ལ།། ཡ་མ་རཱ་ཛ་ཡབ་ཡུམ་གྱིས།། ཤར་ནུབ་གཉིས་ལ་གཡས་གཡོན་ནོ།། ཕྱོགས་བཞིར་མ་རུ་ཙེ་བཞིའོ།། མཚམས་བཞིར་བསེ་ཡི་མོན་པ
iiif viewer powered by OpenSeadragon
