| e-texts navigator |
| Wylie |
322b1 ནི།། ཆོས་ཉིད་ཀུན་ཁྱབ་ཡེ་ནས་དོན།། མ་རྟོགས་སེམས་ཅན་འཁོར་བ་ལ།། སྙིང་རྗེ་ནམ་མཁའ་ལྟ་བུར་བསྒོམ།། རྒྱུ་ཡི་ཏིང་འཛིན་ཡེ་ཤེས་ནི།། སྐྱེ་བ་མེད་ལས་སེམས་ཉིད་ཧཱུཾ།། སྐྱེ་བའི་ཆོ་འཕྲུལ་དམར་འབར
322b2 གསལ།། ཐམས་ཅད་སྐྱེ་བའི་རྒྱུ་རུ་བསྒོམ།། སེམས་ཉིད་ཧཱུཾ་གི་བྱིན་རླབས་ལས།། འབྱུང་བ་དབང་ཆེན་ས་བོན་སྤྲོ།། ཨེ་ཡཾ་ར་བཾ་སུཾ་རཾ་ཀཾ་བྷྲཱུཾ།། དུར་ཁྲོད་འབར་བའི་གཞལ་ཡས་ཁང་།། ཡེ་ཤེས་འབར་བ་གནས་ཆེན
322b3 པོ།། མཐའ་དང་དབུས་མེད་ནམ་མཁའི་རྒྱ།། ཕྱི་དང་ནང་མེད་ཆོས་ཀྱི་མཁའ།། བྷྲཱུཾ་བི་ཤྲ་བི་ཤུདྡྷེ། དེ་དབུས་ཨེ་ལས་གྲུ་གསུམ་ནི།། འབར་བའི་འཁོར་ལོ་རྩིབས་བཞི་པ།། ཕོ་བྲང་ཟླ་གམ་མུ་ཁྱུད་ལྡན།། གྲུ་ཆད་བཞི
322b4 རུ་རྣམ་པར་གསལ།། དབུས་སུ་རཀྟ་འཁྲུགས་ཤིང་འཁྱིལ།། དྲེགས་པ་ཉི་ཟླའི་གདན་སྟེང་དུ།། སེམས་ཀྱི་རང་བཞིན་ཡིག་འབྲུའི་མཆོག། ཧཱུཾ་གི་རྣམ་པ་འདི་ཉིད་ལས།། འགྱུར་བའི་སྐུ་ནི་རྣམ་པར་འཇིགས།། ཨོཾ་མཉྫུ
322b5 ཤྲཱི་ཀུ་མཱ་ར། ཡ་མཱནྟ་ཀ་མ་རུ་ཙེ་དེ་བ་ཏ་ཡེ་ཧཱུཾ། ཡང་དག་དཔའ་བོ་ཕྱག་རྒྱ་ཆེ།། གཤིན་རྗེའི་རྒྱལ་པོ་ཉིད་དུ་གསལ།། ཞལ་གཅིག་སྤྱན་གསུམ་ཕྱག་གཉིས་པ།། དུར་ཁྲོད་རྒྱན་ཆ་ཀུན་ལྡན་བསྒོམ།། དཔའ་བོ་དེ
322b6 ཡི་ཐུགས་ཀ་དང་།། ལྗགས་དང་ཤངས་ཀྱི་སྤྱན་ནག་ལས།། ཡི་གེ་འབར་བ་ཛ་འཕྲོས་པས།། འཇིག་རྟེན་དྲེགས་པའི་ཚོགས་བཏུལ་ནས།། དཔའ་བོ་བཞི་ཡི་སྐུ་རུ་གསལ།། གོང་བཞིན་བསྐྱེད་པའི་སྙིང་པོ
iiif viewer powered by OpenSeadragon
