| e-texts navigator |
| Wylie |
322a1 དེར་བདག་ཅག་ཀྱང་གནས་པར་བགྱིའོ།། གལ་ཏེ་བདག་ཅག་དུས་ལས་གཡེལ་བར་གྱུར་ན་ནི། ཁྲོ་བོ་རྣམས་ཀྱི་མཐུས་བདག་ཅག་རྣམས་ཀྱི་ལུས་ཁོས་ཤིག། དཔལ་ཕྱག་ན་རྡོ་རྗེས་དཔང་མཛོད་ལ།
322a2 བདག་ཅག་གཡེལ་བར་གྱུར་ན། ཕྱག་ན་རྡོ་རྗེས་བདག་ཅག་གི་མགོ་བོ་ཚལ་པ་བརྒྱ་རུ་ཁོས་ལ་སྙིང་དུམ་བུ་སྟོང་དུ་གཏུབས་ཤིག་བདག་ཅག་གི་ལུས་ལ་མེ་འབར་བར་ཤོག་ཅིག། ཅེས་དམ་བཅས་ནས་སླར་དེ་ཉིད་དུ
322a3 མི་སྣང་བར་གྱུར་ཏོ།། འཇམ་དཔལ་མ་རུ་ཙེ་མཆེད་བཞིའི་སྔགས་རྒྱུད་ལས། རྒྱུད་ལ་དམ་བདར་བ་དང་རྗེས་སུ་ཡི་རང་བའི་ལེའུ་སྟེ་དགུ་པའོ།། །། མ་རུ་ཙེ་མཆེད་བཞིའི་རྩ་བའི་རྒྱུད་རྫོགས་སོ།། །།
322a4 འཇམ་དཔལ་གསང་བའི་རྒྱུད་གྱི་མའོ།། དེ་ནས་དེའི་ཚེ་དེའི་དུས་ན། ལྷ་མ་ཡིན་གཡོག་འཁོར་དང་བཅས་ནས་བཅོམ་ལྡན་འདས་ཡ་མཱནྟ་ཀའི་ཐད་དུ་འདུས་ཏེ། དེ་དག་གི་ནང་ནས་གཤིན་རྗེའི་རྒྱལ་པོས་འདི་སྐད
322a5 གསུངས་སོ།། ཀྱེ་མ་ཐུགས་རྗེའི་བདག་པོའི་གཙོ།། མ་རུ་ཙེ་ཡི་སྔགས་རྒྱུད་དོན།། ས་མ་ཏི་ཡི་རིམ་པ་དང་།། དབང་སྐུར་འཁོར་ལོ་བཤད་དུ་གསོལ།། ཧོཿཞེས་ཞུས་པས། བཅོམ་ལྡན་འདས་ཆོས་ཉིད་ལ་བཞེངས
322a6 ནས་འདི་སྐད་ཅེས་གསོལ་ཏོ།། རྟོག་མེད་སྤྲོས་བྲལ་ཆོས་དབྱིངས་ནི།། ཆོས་རྣམས་ཀུན་གྱི་དེ་བཞིན་ཉིད།། རང་བཞིན་དངོས་མེད་སྤྲོས་བྲལ་ལ།། རིག་པ་སྤྲོས་བྲལ་མི་རྟོག་བསྒོམ།། ཀུན་ཏུ་སྣང་གི་ཡེ་ཤེས
iiif viewer powered by OpenSeadragon
