| e-texts navigator |
| Wylie |
321a1 དང་།། གཞན་དག་ངེས་པར་སྒྲུབ་པ་ལ།། རྔན་སེམས་དཔྱའ་སེམས་མི་བྱ་ཞིང་།། དཀོན་མཆོག་སྤྱི་ལ་གནོད་པ་ཡི།། གནོད་སྦྱིན་གདོང་དམར་ལ་སོགས་པ།། གནོད་པར་བྱེད་ན་ལྷ་ཡང་རུང་།། དེ
321a2 དག་ཤིན་ཏུ་བསྒྲལ་བར་བྱ།། གསུང་གི་དམ་ཚིག་འདི་ལྟ་སྟེ།། སྔགས་དང་ཕྱག་རྒྱ་རྒྱུན་མི་གཅད།། ཆོས་ལ་རྔན་དུ་མི་སྨྲའོ།། ཐུགས་ཀྱི་དམ་ཚིག་ཐུབ་པའོ།། ད་ལྟ་བསྟན་པ་ཕན་ཆོད་ནས།། ལྔ་བརྒྱ་མཐའ་མ་ཚུན
321a3 ཆད་དུ།། ཤིན་ཏུ་གསང་ཞིང་གབ་པར་གྱིས།། རིགས་ལྔའི་དངོས་གྲུབ་ཕན་ཆད་ནས།། འཇམ་དཔལ་དངོས་གྲུབ་ཡན་ཆད་དུ།། ཡལ་ནས་གྲུབ་ཏུ་མི་འདོད་ཚེ།། དེ་ཚེ་ང་ཡི་བསྟན་པ་འབྱུང་།། རྣལ་འབྱོར་གཞུང་དང
321a4 ལྡན་པ་ཡིས།། གཅིག་ནས་གཅིག་ཏུ་བསྟན་པ་ལས།། གཞན་དུ་བསྟན་ན་རང་ཉིད་བརླག། འབྲས་བུ་མནར་མེད་དམྱལ་བར་སྐྱེ།། དམ་ཚིག་མ་ཉམས་དེས་ཐུབ་ན།། རྒྱལ་བ་རྣམས་ཀྱང་དགོངས་པར་མཛད།། ང་ཡི
321a5 བསྟན་པ་འབྱུང་བའི་ཚེ།། གཙོ་བོ་བཞི་ཡི་ཆོས་སྐོར་སྲུངས།། དོན་དང་ལྡན་པའི་རྣལ་འབྱོར་པས།། དགྲ་བྱུང་ངེས་པར་བྲོས་པའི་ཚེ།། གཙོ་བོ་ཁྱེད་བཞིས་གཡེལ་གྱུར་ན།། ཕྱག་ན་རྡོ་རྗེས་དབང་མཛོད་ལ།། ཡེ་ཤེས
321a6 ན་པོ་ཁྲོ་ཆེན་པོས།། རང་ལ་རང་མིན་རྡུལ་དུ་རློག། དམ་ཚིག་ཉམས་པའི་གཤེད་མ་མཛོད།། སྐུ་གསུང་ཐུགས་ཀྱི་རང་ཉིད་དང་།། ང་ཡི་བསྟན་པ་གཞུང་བཞིན་དུ།། ལག་ཏུ་ལེན་བཞིན་དམ་བསྲུང་ན།། ཅི་འདོད
iiif viewer powered by OpenSeadragon
