| e-texts navigator |
| Wylie |
317b1 རྣམས་ནི།། བརྟེན་པའི་རྫས་སུ་བསག་པར་བྱ།། ཚིལ་ཆེན་གུ་གུལ་ལ་སོགས་པ།། དབྱེ་བའི་རྫས་སུ་བསག་པར་བྱ།། དྲག་པོ་ལ་སོགས་རྫས་རྣམས་ནི།། བསད་པའི་རྫས་སུ་བསག་པར་བྱ།། བཞི་པོ་སོ་སོར་བསྒྲུབ
317b2 ན་ཡང་།། རང་རང་སྲོག་ཆགས་མ་ནོར་དང་།། ཕྱི་མའི་རྫས་རྣམས་གཞུང་བཞིན་བཤམ།། ཙ་ར་དཀར་པོ་གཉའ་ནག་ལ།། བཞི་ཀ་བསྒྲུབ་ཀྱང་སྐྱོན་མེད་ཅེས།། ཁྲོ་བོ་ཆེན་པོས་དོན་དུ་གསུངས།། རྣལ་འབྱོར་དོན
317b3 དང་ལྡན་པ་བཞི།། དཀྱིལ་འཁོར་ཕྱོགས་བཞིར་བཞུགས་ནས་སུ།། མཆེད་བཞིའི་སྐུ་ནི་གསལ་བསྒོམས་ལ། སྤྱན་དྲང་མཆོད་པས་ཐུགས་དམ་བསྐུལ།། ཡང་ན་དཀའ་ཐུབ་ཆེན་པོ་ཡི།། སེམས་ཀྱིས་ཕྱོགས་བཞིར
317b4 བསྒོམས་ནས་ནི།། སྤྱན་དྲང་ལ་སོགས་གོང་བཞིན་བྱ།། སྙིང་པོ་གནད་ནས་ཁུགས་ནས་སུ།། བོད་ཅིང་ཐུགས་དམ་རྒྱུད་བསྐུལ་ནས།། གདོང་དམར་གཏད་དེ་དམ་བདར་ན།། སུམ་ཅུ་གསུམ་གྱིས་གདོན་མི
317b5 ཟ།། འཇམ་དཔལ་མ་རུ་ཙེའི་སྔགས་རྒུད་ལས། རྫས་དང་ལས་ཀྱི་རིམ་པ་སྟེ་ལེའུ་གསུམ་པའོ།། ། དེ་ནས་ཡང་དག་བཤད་བྱ་བ།། མཐིང་ནག་གྲུ་གསུམ་དྲག་པོའི་དབུས།། ཟླ་གམ་གསུམ་བསྐོར་དབང་གི
317b6 ཚུལ།། ཟླུམ་པོ་ཞི་བའི་རང་བཞིན་ནོ།། འཁོར་ལོ་རྩིབས་བཞི་གཞལ་ཡས་ཁང་།། གྲུ་བཞི་རྒྱས་པའི་རང་བཞིན་ལ།། སྒོ་དང་སྒོ་ཁྱུད་རིམ་བཞིན་ལྡན།། མཐིང་ནག་དབུས་ལ་བསྐྱེད་རྫོགས་ཏེ།། འཁོར་ལོ་བཞི་ལ
iiif viewer powered by OpenSeadragon
