| e-texts navigator |
| Wylie |
316a1 ནས་གཙོ་བོ་ཆེན་པོ་བཞིས་ཀྱང་། འཇིག་རྟེན་གྱི་དབང་གཏོད་པར་ཐུགས་སུ་གསལ་ཏོ།། ཕྱག་ན་རྡོ་རྗེ་དང་ཐབས་ཅིག་གོ། དེ་ནས་ཡང་དཔལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ
316a2 ལྡན་འདས་འདི་ལྟ་བུའི་བྱིན་རླབས་ངོ་མཚར་ཏོ།། འདི་ལྟ་བུའི་ཆོ་འཕྲུལ་ངོ་མཚར་ཆེའོ།། སེམས་ཅན་ཐུགས་རྗེའི་དཔྱང་ཐག་ཆད་ཅིང་ངན་སོང་དུ་སྐྱེ་བ་རྣམས་ལ་ཆོ་འཕྲུལ་བསྟན་པ་ངོ་མཚར་ཆེའོ།། དེའི་དུས་སུ
316a3 དོན་དང་ངས་ཚིག་བསྟན་དུ་གསོལ་ཅེས་པ་དང་། བཅོམ་ལྡན་འདས་ཡ་མཱནྟ་ཀས་ཐུགས་ཀྱིས་གསང་མཛོད་ནས་ཕྱུང་། མགུར་གསང་བའི་བུམ་པར་དྲིལ། ལྗགས་ཀྱི་དབང་པོ་ལ་བཀྲམ་སྟེ་བཀའ་སྩལ་པ། ཕྱག་ན་རྡོ
316a4 རྗེ་ཁྱོད་ཉིད་ཀྱི་ཐུགས་ལ་ཡོད་བཞིན་དུ་འགྲོ་བའི་དོན་དུ། གཙོ་བོ་བཞིའི་དོན་དང་ངེས་ཚིག་དག་ཞུ་བ་ལེགས་སོ།། ངས་བཤད་ཀྱིས་ཉོན་ཅིག། འཁོར་བའི་རྒྱ་མཚོ་དྲང་བའི་ཕྱིར།། གང་ལྟར་འདུལ་བའི་རིམ་པ
316a5 བསྟན།། ཕྱིན་ཅི་ལོག་ཏུ་ཁ་བལྟས་པས།། སེམས་ཅན་དྲང་བའི་དོན་སླད་དུ།། གསེར་རམ་གུར་གུམ་ཁ་དོག་ལས།། སྟང་ཟིལ་འདྲ་བའི་སྐུ་རུ་བསྟན།། ཀུན་བཟང་ཞི་བའི་སྐུ་ལས་ནི།། ང་ཉིད་ཁྲོ་བ་ཆེན་པོར
316a6 གནས།། འཇིག་རྟེན་དབང་དུ་བསྡུ་བའི་ཕྱིར།། ཐམས་ཅད་ཁྲོ་བོའི་རང་བཞིན་བསྟན།། ང་ཡི་ཐུགས་ཀྱི་ཡང་སྦྲུལ་ལས།། དམར་པོ་གཙོ་བོ་བཞིན་དུ་བསྟན།། དམར་པོ་དབང་གི་རང་བཞིན་ལ།། རུ་ནི་ཆགས་པའི
iiif viewer powered by OpenSeadragon
