| e-texts navigator |
| Wylie |
315a1 ཀ་དེ་འཁོར་གྱི་ཁྲོ་བོ་རྣམས་ཀྱི་དབུས་ན་བཞུགས་སོ།། དེའི་ཚེ་དེའི་དུས་ན། ཁྲོ་བོའི་རྒྱལ་པོ་ཡ་མནྟ་ཀ་དཔའ་རྡུལ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ཉིད་ཀྱི་བྱིན་རླབས་ཡེ་ཤེས
315a2 རྣམ་པ་བཞི་ལས། རིགས་བཞིའི་ཁྲོ་བོར་གྱུར་ཏེ། ཡ་མ་རཱ་ཛ་དང་། མྱོས་བྱེད་འབར་བ་དང་། ཨཱརྱ་མ་རུ་དང་། རལ་པ་ཚར་དགུ་དང་བཞི་འཐོན་ཏེ། དེ་བཞིའི་སོ་སོའི་ཐུགས་ཀྱི་སྤྲུལ་པ་ལས། དབང་སྡུད་མ་རུ་ཙེ
315a3 མཆེད་བཞིའི་སྐུ་རུ་བསྟན་ནོ།། དུས་ཀྱི་རྣམ་པ་གཙིགས་སུ་ཤེས་པས་འཁོར་རྣམས་དང་། ཐབས་དང་ཤེས་རབ་ཀྱིས་ཐབས་ཅིག་ཏུ་བཞུགས་སོ།། དེའི་ཚེ་དེ་དག་གི་ནང་ནས་འཇིགས་བྱེད་ཡ་མ་རཱ་ཛ་ལ་སོགས་པ
315a4 བཞིའི་བྱིན་གྱིས་བརླབས་ཏེ་དཔལ་ཕྱག་ན་རྡོ་རྗེའི་སྤྲུལ་པའི་སྐུར་བཞེངས་ཏེ། བཅོམ་ལྡན་འདས་ཀྱི་ཞབས་ལ་དབུས་ཕྱག་བཙལ་ནས་བསྐོར་བ་བྱས་ཏེ་འདི་སྐད་ཅེས་གསོལ་ཏོ། ཀྱེ་ཀྱེ་བཅོམ་ལྡན་འདས་རང
315a5 བཞིན་མེད་པའི་ཆོས་བཤད་པ། འཁོར་བའི་རྒྱ་མཚོ་དྲང་བའི་ཕྱིར།། མ་འོངས་ཤཱཀྱ་ཐུབ་པ་ཡི།། བསྐལ་པ་བསྟན་པའི་ཐ་མ་ལ།། མཚམས་མེད་ལྔ་ཡི་ལས་དག་འབྱུང་།། སངས་རྒྱས་བསྟན་པ་མི་གཉེན
315a6 པར།། གནོད་སྦྱིན་གདོང་དམར་དབང་དུ་འགྱུར།། དེས་ན་ལྷ་སྲིན་སྡེ་བརྒྱད་ཀྱི།། གཙོ་བོ་ཆེན་པོ་བཞི་རྣམས་ཀྱིས།། ཁྲོ་བོ་རྣམས་ཀྱི་དྲུང་ན་གནས།། རབ་འཇིགས་ཆེན་པོ་བཀའ་སྩོལ་ཅིག། དཔའ་བོ་ཆེན་པོ་བཀའ
iiif viewer powered by OpenSeadragon
